ГБУ РС(Я) «Управление ветеринарии с ветеринарно испытательной лабораторией Сунтарского улуса (района)»
Новости · 20 апреля 2026 г.
Түбэйгэ сылгыларга карантиннай дьайыылар. — 20 апреля 2026 г. в 00:25:21.924
Түбэйгэ сылгыларга карантиннай дьайыылар. Түбэйдээҕи Евсеев аатынан конезаводка сылгыларын ахсаанын элбэтээри уонна хаан уларытаары Верхоянскай улууһун Бала нэһилиэгин Арыылаах СХПК-тан 3 племенной сылгылары атыыластылар. ОВМ отделын ветвраһа Юрий Гурьев, ветфельдшер Валерий Евграфов, шофер Андрей Иванов буоланнар Түбэй нэһилиэгэр конебазаҕа тахсан карантин үлэлэрин ыыттылар. Бастатан туран Любисан-ЭКО диэн дезинфекциялыыр средствоннан сылгылар тиэллэн кэлбит массыыналарын прицебар обработка ыыттылар. "Любисан» ЭКО" - сүөһү уонна көтөр хаһаайыстыбаларыгар производственнай дьиэлэри, циркэлэргэ уонна зоопаркаларга кыыллары тутар дьиэлэри уонна кинилэр оборудованиеларын, кыыллары тиэйэргэ туттуллар массыынаны дезинфекциялыырга уонна санациялыырга ветеринарияҕа туттуллар дезинфекциялыыр средство буолар. Ол кэннэ сылгыларга клиническай осмотр оҥорон баран, лабораторнай чинчийиигэ хаан пробата ыллылар. Ыраах сиртэн уһун унньуктаах айаны айаннаан кэлбит сылгылар туруктара үчүгэйин бэлиэтээн туран, конезавод үлэһиттэрэ карантийнай дьаһаллары 30 күн устата тутуһалларыгар соруйдулар, инструктаж ыыттылар.