2025 сыл бүтүүтэ Саха Өрөспүүбүлүкэтин территориятыгар дьиэ кыылын учуокка туруоруу туһ... — 19 марта 2026 г. в 03:06:54.808

2025 сыл бүтүүтэ Саха Өрөспүүбүлүкэтин территориятыгар дьиэ кыылын учуокка туруоруу туһунан сокуон ылыллыбыта.   Бу сокуон Сахабыт сиригэр бэйдиэ сылдьар ыттартан дьону-сэргэни, оҕону-урууну харыстыыр сыаллаах буолар. Сокуон ирдэбилинэн ыттары учуокка туруоруу булгуччулаах.   Дьиэ кыылын судаарыстыбаннай бэтэринээринэй сулууспа ситимигэр туруоруллар хас биирдиилэригэр анал электроннай нүөмэр эбэтэр бирка илииллэр уонна ол информация электроннай биир ситим базаҕатыгар кииллэриллэр. Ыты ылан баран 30 хонук иһигэр, ыт оҕото 2 ыйын туолбутун кэннэ 30 хонук иһигэр учуокка туруоруллуохтаах.   Өскөтүн урукку өттүгэр электроннай чииптээх биитэр биркалаах дьиэ кыылыгар оҥоһуллубут буоллаҕына сатаан көстүбэт эрэ түгэннэригэр иккистээн туруоруллар.   Дьиэ кыыла хаһаайына уларыйар, бэйэтэ өлөр биитэр тутуллар сирэ уларыйар түгэнигэр 30 хонук иһигэр бэтэринээринэй сулууспаҕа биллэриллиэхтээх. Дьиэ кыыла өлбүт биитэр өрөспүүбүлүкэ тас өттүгэр көһөр түгэнигэр учуоттан уһуллар.   Бу сокуону кэһии иһин дьиэ кыылын хаһаайыттара административнай эппиэтинэһи сүгэллэр.