Чурапчы улууһуттан 2026 сылга Бүтүн Арассыыйатааҕы "Сыл дьиэ кэргэнэ" куонкурус өрөспүү... — 17 июня 2026 г. в 12:21:19.327
Чурапчы улууһуттан 2026 сылга Бүтүн Арассыыйатааҕы "Сыл дьиэ кэргэнэ" куонкурус өрөспүүбүлүкэтээҕи түһүмэҕэр биһиги Чурапчыбыт улууһуттан 10 дьиэ кэргэн кытынна! Улууспут көхтөөх, түмсүүлээх, холобур буолар дьиэ кэргэннэригэр улуус салалтатын уонна тус бэйэм ааппыттан махтал бастыҥын аныыбын. Икки дьиэ кэргэммит бу куонкуруска бастакы миэстэни, биир дьиэ кэргэн иккис миэстэни ыланнар, Чурапчыбыт аатын дорҕоонноохтук ааттаттылар, салгыы дойду таһымнаах куонкуруска кыттар кыахтаннылар. "Тыа сирин дьиэ кэргэнэ" номинацияҕа Бахсыттан Анастасия уонна Иван Шеломовтар дьиэ кэргэн 1 миэстэ буолан, Ил Дархан 300 000 солкуобайдаах бирииһинэн, "Эдэр ыал" номинацияҕа Чурапчы нэһилиэгиттэн Сандаара, Айсен Решетниковтар дьиэ кэргэн 1 миэстэ буолан, 300 000 солк. бирииһинэн, "Кыһыл көмүс дьиэ кэргэн" номинацияҕа Болугур нэһилиэгиттэн Людмила, Трофим Лыткиннар дьиэ кэргэн 2 миэстэ буолан, 200 000 солк. бирииһинэн наҕараадаламмыттарынан итиитик, истиҥник эҕэрдэлиибин! Бастакы миэстэни ылбыт ыалларбыт Анастасия уонна Иван Шеломовтар уонна Сандаара, Айсен Решетниковтар дьиэ кэргэннэрэ дойду таһымнаах күрэххэ кытталларыгар докумуоннара хомуллан, Бүтүн Арассыыйатааҕы куонкурус хамыыһыйатыгар ыытылынна. Кыайыылаах дьиэ кэргэннэрбитигэр Арассыыйа куонкуруһугар ситиһиилээх кыттыыны, кыайыыны-хотууну баҕарабын!