Специальная библиотека РТ для незрячих и слабовидящих
Образование · 5 августа 2026 г.
СӨСТҮҢ КҮЖҮ — 5 августа 2026 г. в 02:22:40.908
СӨСТҮҢ КҮЖҮ Сөстуң күжү энергиязы улуг болур. Сөс угаандан төруттунер болуп турар. Сөс кижини өлүрер, сөс кижини диргизер. Кандыг сөс сөглеп чоруур бис, ону бодувуска чайнадып ап турар бис. Аас-кежикти чайнадып берип турар сөстер: 🍀 ЧЕДИИШКИННЕР. Кажан бо сөстү хөй ажыглап, бодунга болгаш кижилерге чугаалап турар болзувусса ол чайгаар чедип келир. "Бо хун чедиишкинниг болур мен!" деп чугааланып чоруур болза эки. 🍀 ААС-КЕЖИК. Хүн бүрүде кижи бүрүзү аас-кежиктиг болур дээш чүткүдүп чоруур. "Мен аас-кежиктиг болур мен, ону чедип алыр мен" деп хөй чугааланганындан сөстүң күжү улгадып аас-кежиктиг болур. 🍀 ЫНАКШЫЛ. Бодунга болгаш долгандыр кижилерге, хүрээлеңге ынак болуру. "Мен бо делегейниң чаражынга, бойдузунга ынак мен, мен хөй-хөй чараш черлер көөр аргалыг мен", - деп чугааланып чоруур чуве болза, делегейни көөр шыдалдыг, аргаларлыг болур силер. 🍀 БУЯН-КЕЖИК. Ийи сөстен тургустунган "Буян", "Кежик". Бо сөстү кижилерге сеткилинден хөй каттап чугаалап, күзеп турар болзувусса, боттарывыска ала чайгаар буян-кежик доктаап, бодувуска ону кыйгырып турар боор бис. 🍀 ӨӨРҮП ЧЕТТИРИИШКИН. Кезээде каяа даа эки чүүлдерге харыылап, четтирип, өөрүп четтиргенин илередип чоруур болза, өөрүшкү, чедиишкин силерже көрнүп, эки байдалдарны чедирер болур. 🍀 БОДУНГА БҮЗҮРЭЭРИ. Бодунга бүзүрел - дээрге чедиишкинниг кижилерниң бойдузу дур. Бодунга кезээде бүзүрелдиг кижи чайгылыш чок, тура соруктуг, чүткүлдүг болур. "Бодумга бүзүрээр мен" деп бодун чүглеп, идегеп чоруурга эки. 🍀 БҮЗҮРЕЛ. Бир ле байдал эки үре-түңнелдиг, чедиишкинниг болзун деп бодаар болза чуртталгага бүзүрээр. Чугула херек бүдүрерде "Чуртталгага бүзүрээр мен. Шупту байдалдар мээң күзээним, бодааным ышкаш болур", - деп чугааланып чоруур болза эки. 🍀 КАДЫКШЫЛ. Чедиишкинниң дөзү дээрге кадык мага-бот болгаш сагыш-сеткил. Багай сөстер, багай хирлиг бодалдар, аарыг оштап баажыланырга аарыгны чайгаар боду тыртып алыр болур. Чижээ анаа тургаш ла "йоох бажым, бажым" дээр болза, ала чайгаар ол аарыгны сөс күжү биле бодунче тыртып ап турар болур. Бир эвес аарып турар болза, аңаа дүжүп бербейн, арыгланып тур мен деп сүзүктеп, бодун сергек тудуп, сөс күжү биле "Мен кадык болгаш аас-кежиктиг мен", - деп чугааланып чоруурга, кадыкшылды сөс биле чайнады тыртып турар боор. 🍀ИДЕГЕЛ. Кандыг даа берге байдалда күжүн мөөңнеп, бурунгаар чүткүдүп, "Эки болур, бүзүрээр мен" деп сөс күжү-биле чугааланып чоруурга, ала чайгаар эки чүүл чедип келир болур. Бо чараш бодалдарның автору билдинмес болуп турар, орузундан очулдурдум. Шынап ла чуртталгада берге байдайлар, шаптараазыннар хөй, турган, турар даа ынчалза даа канчаар чугааланып, алдынып турарывыстан бистиң чуртталгавыс дорт хамааржыр. Кезээде бодунга, чоок кижилеринге, өске-даа кижилерге чылыг-чымчак сөстерни чугаалап чоруур болзувусса ла, сөстүң күжү улуг болганындан ону боттарывыска чайнадып, шиңгээдип ап чоруур бис.