Специальная библиотека РТ для незрячих и слабовидящих
Образование · 27 июля 2026 г.
💥Пенсионерлерге болгаш пенсияже үнер ажылдакчыларга магадылалдар — 27 июля 2026 г. в 03:30:55.530
💥Пенсионерлерге болгаш пенсияже үнер ажылдакчыларга магадылалдар 📢2026 чылда назы-хары улгаткан ажылдакчыларга хоойлу-дүрүм камгалалды кадагалап арттырган. Ажылдап турар пенсионерлер биле пенсияже үнер деп турарларга чиигелделер болгаш магадылалдарны ийи категорияга чарган. Хакас Республика биле Тыва Республикада Күрүнениң күш-ажыл инспекциязының удуртукчузунуң оралакчызы Эдуард Доржу улуг назылыг ажылдакчыларга магадылалдар дугайында тайылбырлаан: «Пенсияже үнер деп турар ажылдакчыларга (херээженнер 54 харлыында, эр улус 59 харлыында) тускай камгалал хемчеглери ажыглаттынып турар: • назылаан деп чылдагаан-биле ажылындан үндүрүп болбас азы хүлээп албайн барбас, ол дээш ажыл берикчизинге РФ-тиң Кеземче дүрүмүнүң 144.1 чүүлү-биле кеземче херээн оттуруп болур: • чыл санында диспансеризация эртери-биле ийи төлевирлиг шөлээ хүннерин бээр; • ажылын чидирген таварылгада 12 ай чедир хуусаалыг ажыл чоктарның улгаттырган пособиезин төлээр. Ажылдап турар пенсионерлерге дараазында чиигелделерни арттырган: • 14 хонук чедир немелде төлевир чок шөлээ алыр эргелиг — ажыл берикчизи аңаа чөпшээрежир хүлээлгелиг; • диспансеризация эрттирери-биле, ортумак шалыңын арттырган, ийи хонуктуң шөлээзин алыр эргелиг; • пенсионерлер ажылындан үнерде, бир эвес билдириишкининде «пенсияже үнер» деп чылдагаанын айтып каан болза, ийи неделя ажылдап төлээр хүлээлге чокка үнүп болур. Ажыл берикчизиниң талазындан «бодунуң күзели-биле» дээн ажылдан үндүрер албадаашкын туруп келзе азы шөлээже чөпшээрел бербейн барган таварылгада күрүнениң күш-ажыл инспекциязынче, оон прокуратураже хомудалды киирер. / Хакас Республика биле Тыва Республикада Күрүнениң күш-ажыл инспекциязының медээзи. “Шын” №28 2026 чылдың июль 23