Туберкулез дээрге, микобактериялар бөлүүнден тыптыр халдавырлыг аарыг. Инфекция колдуун...
Туберкулез дээрге, микобактериялар бөлүүнден тыптыр халдавырлыг аарыг. Инфекция колдуунда өкпени кемдедир, ынчалза-даа чүстерге, сөөктерге, каракка, кешке, безин чадаарда нерв системазынга дээп болур. Туберкулез долгандыр турар улуска айыылды тургузар аарыгларның бирээзи. Ооң дамчыыр оруу – агаар-дамды. Туберкулез аарыын болдурбас дизе, элээн каш баш удур чогуур ужурлуг хемчеглерни сагыыры чугула. 1. Иммунитетти быжыглаар. Шын чемненир, күш-культура, спортка хандыкшылдыг болур, эки дыштаныр. 2. Туберкулез аарыг кижи-биле харылзааны шеглээр, ылаңгыя ажык хевирлиг аарыглыг кижиден. 3. Эмчи шинчилгелерин доктаамал, үе-шаанда эртип ап турар. Хөрек шинчилгезин ыяап-ла чылда чаңгыс катап эртер, а эмчи ажылдакчылары, башкылар, иммунитеди кошкак айыыл бөлүүнче кирип турар улус чылда 2 катап эртер. 4. Хууда арыг-силигни сагыыр. Чурттап турар бажыңын, доктаамал орар өрээлдерни агаарладыр, шык арыглаашкынны чорудар. 5. Бир эвес үр үе иштинде чөдүл, харык-шинек кошкап, кил чидирип, дүне деридер шынарлар тыптып эскертинзе, дарый эмчиге баар. Сактып алыр чүүл – аарыгны когун үзе эмнээриниң кол “чепсээ” – аарыгны эге чадада илереп, эмнээшкинни дарый эгелээри. Кижи бүрүзүнүң кадыы бодунуң холунда болганда, кадыы дээш харыысалганы чүгле боду алыр. Кадык болуңар! #ПротивотуберкулезныйДиспансерТыва #туберкулезизлечим #зож #профилактикатуберкулеза