Арага аймааның хоразы — 11 сентября 2026 г. в 03:16:56.357
Арага аймааның хоразы "Туберкулез аарып турар үеде арага аймаа организмге кандыг хораны чедирип турарыл?" деп лекцияны "Сой" санаторийниң эмчи ажылдакчызы Айдар Адыя чыдар аарыг улуска эрттирген. Алкоголь биле туберкулез бот-боттарының аразында кезек чугула талалар-биле холбашкан, олар аарыгның эртеринге база эмнээшкинниң түңнелинге хамааржыр. 1. Имуннуг системага алкогольдуң хамаарылгазы. Доктаамал болгаш хөлүн эрттир арага аймаан ижерге, имуннуг системаны кошкадыр, организмде инфекциялар-биле демисежир арганы эвээжедир, туберкулез база кирип турар. 2. Туберкулез-биле аарый берип болур айыыл улуг. Арага аймаандан хамааржыр улус колдуунда туберкулез аарыы нептереп тараар байдалдарда турар болур, чижээлээрге, арыг-силиг чок черлер, хөй кижи чыылган хааглыг черлер. Шак ындыг байдалдар аарыгның нептерээрин бедидер. 3. Аарыгны тодарадырынга болгаш эмнээринге берге байдалдарны тургузар. Алкоголь туберкулез аарыын "чажырып" болур, а ол байдал аарыгны үе-шаанда тодарадырынга шаптыктыг болур. Cүмелер: - Туберкулез аарыы каразып эгелээн болза, арага аймаандан ойталаар. - Туберкулезтан эмненип турар улус эмнээшкинни шыңгыы сагып, эмчиниң сүмелерин сагыыр. Сактып алыры чугула чүүл - арага аймаа организмге хора чедирип, кадыкшылды кошкадып, аарыгларны тывылдырар айыылды тургузар. #ПротивотуберкулезныйДиспансерТыва #выездныелекции #профилактикатуберкулеза #Неделясокращенияпотребленияалкоголяисвязаннойснимсмертностиизаболеваемости #отказоталкоголя