Бүген – 31 август көнне 2026-2027 уку елына әзерлек һәм узган уку елы нәтиҗәләре буен... — 31 августа 2026 г. в 08:22:10.400
Бүген – 31 август көнне 2026-2027 уку елына әзерлек һәм узган уку елы нәтиҗәләре буенча гимназиябездә педагогик киңәшмә узды. Актаныш районы башлыгы Ленар Рафак улы Зарипов киңәшмәдә катнашып, гимназиябезнең районда һәм республикада ирешкән уңышларын югары бәяләде. Төп тема буенча гимназиябез директоры Венера Хәмәтнәсыйх кызы Хәева-Хәмитҗанова чыгыш ясады. 2025-2026 нчы уку елына анализ ясап, киләсе уку елына куелачак мәсьәләләр, бурычлар, максатларны билгеләде. 31 августтан, 1 сентябрьдә гамәлгә керәчәк нормативлар, РФ Президенты В.В.Путинның 20 июльдә чыккан фәрманы нигезендә куелган таләпләр белән таныштырды. Шулай ук киңәшмәдә педагогик еллык эшчәнлеккә дә анализ ясалды. Венера Хәмәтнәсыйх кызы узган уку елының уңышларга күп булуын ассызыклады, коллективка үзенең рәхмәтен җиткерде. 11 сыйныфны тәмамлаучы 2 укучыбыз – Хаҗиев Румил, Маликова Азалия дәүләт имтиханнарын 100 баллга тапшырдылар. Киңәшмәдә директорның тәрбия эшләре буенча урынбасары Ленар Зөфәк улы Шәвәлиев, методик-инновацион эшчәнлек буенча урынбасар Юлия Валентиновна Әмирҗанова, тәрбия эшләре буенча директор киңәшчесе Ильмира Әлдәм кызы Фахртдинова үз юнәлешләре буенча чыгыш ясадылар. Образовательные организации Республики Татарстан принимают активное участие в реализации: проектов Приволжского федерального округа: Олимпиада «IQ ПФО», Фестиваль «ВЕРНУТЬ ДЕТСТВО», проект ПФО «Герои Отечества», проект «Гвардеец» ПФО, проектов Российского общества «Знание», федерального проекта «Навигаторы детства», реализуемого при поддержке Министерства просвещения Российской Федерации #ГимназияАктаныш