Гимназиябез укытучыларының фидакарь хезмәте республика күләмендә югары бәяләнде. — 26 августа 2026 г. в 07:56:46.865
Гимназиябез укытучыларының фидакарь хезмәте республика күләмендә югары бәяләнде. Һөнәри осталыклары һәм хезмәттәге казанышлары дүрт хезмәткәребезнең Татарстан Республикасының Электрон Мактау тактасында урын алды . Мактаулы исемгә физика укытучысы Маликова Резеда Тимергази кызы, математика укытучысы Вәлиева Земфия Гыйльфан кызы, татар теле һәм әдәбияты укытучысы Шәрипова Чулпан Рәмзил кызы, башлангыч сыйныфлар укытучысы Ахунова Илиза Энгель кызы лаек булды. Татарстан Рәисе Рөстәм Нургали улы Миңнеханов инициативасы белән булдырылган әлеге цифрлы ресурс хезмәт кешесенең казанышларын танытуга һәм аның абруен күтәрүгә юнәлдерелгән. Хәзерге вакытта gordost.tatar.ru платформасында республикадагы 4,8 мең предприятиене тәкъдим итүче 15 меңнән артык лауреат теркәлгән. Электрон Мактау тактасы ел саен яңартылып, республика үсешенә үз өлешен керткән яңа хезмәт алдынгыларының исемнәре белән тулыланып торачак. Образовательные организации Республики Татарстан принимают активное участие в реализации: проектов Приволжского федерального округа: Олимпиада «IQ ПФО», Фестиваль «ВЕРНУТЬ ДЕТСТВО», проект ПФО «Герои Отечества», проект «Гвардеец» ПФО, проектов Российского общества «Знание», федерального проекта «Навигаторы детства», реализуемого при поддержке Министерства просвещения Российской Федерации #ГимназияАктаныш