Реворий Дмитриевич Никифоров 90 сааһыгар үктэннэ
Реворий Дмитриевич Никифоров 90 сааһыгар үктэннэ Бүгүн, от ыйын 1 күнүгэр, тыыл, үлэ бэтэрээнэ, сэрии сылларын оҕото, Саха Өрөспүүбүлүкэтин Бочуоттаах кырдьаҕаһа, Гражданскай сэрии дьоруойа Кеша Алексеев аатынан бириэмийэ лауреата, Хара нэһилиэгин Бочуоттаах олохтооҕо Реворий Дмитриевич Никифоров 90 сааһын томточчу туолла. Реворий Дмитриевич 1936 сыллаахха Хара нэһилиэгэр элбэх оҕолоох дьиэ кэргэҥҥэ төрөөбүтэ. Оҕо эрдэҕиттэн олох ыарахаттарын билэн, аҕата суох буолбутун кэннэ, дьиэ кэргэн бары эбээһинэһин бэйэтигэр ылан, эрдэ үлэҕэ умсугуйбута. Колхуос үлэһитинэн саҕалаан, кэлин сопхуоска 43 сыл устата үлэлээбитэ. 1952 сылтан тракторист идэтин баһылаан, тыа хаһаайыстыбатын араас үлэтигэр – мас кэрдиитигэр, сири хоруйууга, от оттооһуҥҥа сыл ахсын былаанын куоһарара. Үрдүк көрдөрүүлэрин иһин биэс төгүл Мэҥэ Хаҥалас улууһун чемпион-тракториһынан биллэриллибитэ. Кэргэнинээн Үлэ Албан аатын III истиэпэннээх уордьан хаһаайката Александра Петровна Спиридоновалыын биэс оҕону улаатыннарбыттара. Билигин 19 сиэн, биир хос сиэн тапталлаах эһэтэ. Ытык кырдьаҕаһы дьоһун сааһынан, үтүөкэннээх үбүлүөйдээх күнүнэн Мэҥэ Хаҥаластааҕы нэһилиэнньэ көмүскэллээх буолуутун кэлим киинин салайааччытын солбуйааччы Мария Федррова эҕэрдэлээтэ. Мария Николаевна Реворий Дмитриевичка өр сыллаах сыралаах үлэтин иһин махтанна уонна чугас дьонун тапталларынан, истиҥ сыһыаннарынан арыаллатан, өссө да уһун үйэлэнэригэр баҕаран туран, э5эрдэ сурук туттарда. #КЦСЗН #СМФЦ #Дьоһунсаас #Уһунүйэлэнии