Ытык кырдьаҕас Клара Серафимовна Сергеева 95 сааһын томточчу туолла — 1 июля 2026 г. в 14:39:35.808
Ытык кырдьаҕас Клара Серафимовна Сергеева 95 сааһын томточчу туолла Бүгүн, от ыйын 1 күнүгэр, Мэҥэ Хаҥаластааҕы нэһилиэнньэ көмүскэллээх буолуутун кэлим киинин салайааччытын солбуйааччы Мария Федорова 95 сааһын томточчу туолбут үбүлүөйдээх үтүө- мааны күнүнэн тыыл, үлэ бэтэрээнин, сэрии сылларын оҕотун, I, III истиэпэннээх «Ийэ Албан аата» уордьан, «Ийэ мэтээлэ» хаһаайынын, Хара нэһилиэгин Бочуоттаах олохтооҕун Клара Серафимовна Сергееваны көрсөн эҕэрдэлээтэ. Кини Клара Серафимовна төрөөбүт дойдута сайдарын туһугар сыралаах таһаарыылаах үлэтин, дьиэ кэргэҥҥэ бэриниитин бар дьоно, биир дойдулаахтара үрдүктүк сыаналыылларын бэлиэтээтэ уонна чэгиэн туругу, этэҥҥэ буолууну, өссө да уһун үйэни баҕаран туран, эҕэрдэ суругу уонна сэмэй бэлэҕи туттарда. Клара Серафимовна 1931 сыллаахха Тыыллыма нэһилиэгэр төрөөбүтэ. Оҕо сааһа сэрии ыар кэмнэригэр ааспыта. Улахан дьону кытта тэҥҥэ Улуу Кыайыыны уһансыбыта, күүстээх тыынын көрдөрбүтэ. Үлэтин 1945 сыллаахха «Кыһыл трактор» холкуоска ыанньыксытынан саҕалаабыта. Кэлин Сталин аатынан холкуоска, сопхуоска сыралаахтык ыанньыксытынан үлэлээн, тыа хаһаайыстыбатын сайдыытыгар дьоһун кылаатын киллэрбитэ. Үлэҕэ эҥээрдэһии, бэринии кини дьиэ кэргэнигэр салҕаммыта. Сталин аатынан холкуос бастыҥ механизатора Терентьев Карл Семеновичтыын ыал буолан, 10 оҕону күн сирин көрдөрбүтэ. Биэс уола аҕаларын суолун батан, бастыҥ механизатор буолан, тыа хаһаайыстыбатын үлэтин салҕаабыттара. Клара Серафимовна ийэ улуу күүһүн, күүстээх санаатын холобура буолар. Билигин кини элбэх сиэн, хос сиэн тапталлаах эбэтэ. Кини оҕолоро, сиэннэрэ, хос сиэннэрэ дойду бары эйгэлэригэр үлэлии-хамсыы, сайдыыга дьоһун кылааттарын киллэрсэллэр. #КЦСЗН #СМФЦ #Дьоһунсаас #Уһунүйэлэнии