ГОСПАБЛИК МБОУ "Чурапчинская гимназия им. С. К. Макарова"
Образование · 1 марта 2026 г.
💫Биһиги «Тумус кыһа» медиа киин юнкордара Кристина Михайлова, Винея Барашкова, Афоня М... — 1 марта 2026 г. в 16:41:59.698
💫Биһиги «Тумус кыһа» медиа киин юнкордара Кристина Михайлова, Винея Барашкова, Афоня Местников, Ванесса Евграфова, Полина Пинигина, Саина Захарова олунньу 27-28 күннэригэр өрөспүүбүлүкэтээҕи «Развитие моей малой родины» дьыалабыай оонньууга кытынныбыт. Хадаар орто оскуолатын кытта холбоһуктаах хамаанда буоламмыт икки күн устата нэһилиэк тэрилтэлэринэн сырыттыбыт, үлэ-хамнас хайдах бара турарын билистибит, ол түмүгэр үс улахан ыстатыйа, видео-контент оҥорон таһаардыбыт. Ону таһынан биһиги бырайыак суруйарга холонон көрдүбүт. Тэрээһин түмүгүнэн бары хамаандаларга анал ааттары туттардылар. Биһиги хамаандабыт «Бырайыагы бастыҥ көмүскээһин» анал аатынан наараадаланна. Мин бу баран кэлбиппитин олус астынным. Кылгас бириэмэ иһигэр элбэх оҕону кытта билсистим, кэпсэттим. «Өссө маннык тэрээһиҥҥэ барыан этэ дуо?», - диэн ыйыттахтарына, малбын номнуо хомуммут буолуом этэ. Саамай өйдөнөн хаалбыта – остолобуойга аһыырбыт, ас барыта минньигэс баҕайы этэ, уонна иллэҥ кэммитигэр оҕолору кытта мээчигинэн паастаһарбыт. Дьиҥэ барытын умнуом суоҕа. Тоҕо диэтэххэ, бу тэрээһини наһаа сөбүлээтим. Доҕотторбор баҕарыам этэ ситиһиини, туохтан да инньибэккэ иннигит диэки хардыылаан иһиҥ, дьоҥҥо-сэргэҕэ үтүө үксэтэ, сырдыгы сыдьаайа сылдьыҥ. Хадаар оскуолатын кэллэктиибигэр, «Кэскил» издательство үлэһиттэригэр таһаарыылаах тэрээһини тэрийбиттэригэр, умнуллубат түгэннэри бэлэхтээбиттэригэр медиа кииммит аатыттан истиҥник махтанабыт👏🏻👏🏻👏🏻☺️🍀 📝🎥Саина Захарова, VIII кылаас, «Тумус кыһа» медиа киин, С.К. Макаров аатынан Чурапчы гимназията