ГОСПАБЛИК МБОУ "Чурапчинская гимназия им. С. К. Макарова"
Образование · 6 марта 2026 г.
📢Кулун тутар 3-4 күннэригэр Чурапчы гимназиятыгар "Юные Макаровцы" диэн 7,8 уонна 10 к... — 6 марта 2026 г. в 07:33:57.268
📢Кулун тутар 3-4 күннэригэр Чурапчы гимназиятыгар "Юные Макаровцы" диэн 7,8 уонна 10 кылаас уолаттарыгар байыаннай спортивнай сбор буолла. Бу улахан хамсааһыны гимназия эр дьон учууталлара уонна аҕалара тэрийэн ыыттылар. Сарсыарда уруоктары эр дьон учууталлар үөрэттилэр. Онно биһиги көмпүүтэр нөҥүө дрону хайдах ыытарга үөрэннибит. Ону таһынан Аҕа дойду улуу сэриитин историятын туһунан кэпсээтилэр. Эбиэттэн киэһэ сбор сүрүн чааһа саҕаламмыта. Хамаандаларга арахсан дьарыктарга кытынныбыт. Стройдаан хаамыыны, суһал көмөнү хайдах оҥорору үөрэттибит. Жгуту уурар, хааны тохтотор ньымалары уо.д.а. олус интэриэһинэйдик кэпсээтилэр. Биир кэрэхсэбиллээх күрэҕинэн буойун-учуутал, Саха Маресьева Степан Кузьмич Макаровка анаммыт "Макаров суолунан" диэн квиз-оонньуу буолла. Хатылыттан Вячеслав Степанович Барашков тимиринэн уһаныы кистэлэҥнэрин сэһэргээн барыбыт болҕомтотун тарта. Салгыы полиция үлэһитэ Петр Васильевич Монастырев АК-74 автоматы уонна Макаров пистолетын ыһыыны уонна хомуйууну көрдөрдө. Онтон киэһэлик "Лазертаг" диэн олус интэриэһинэй оонньуу буолбута. Онно олус астына, дуоһуйа оонньоотубут. Лазертаг кэнниттэн "Полоса полиции" диэн күрэххэ хамаандаларынан күөн көрсүбүппүт. Саамай түргэн бириэтэлээх хамаанда кыайыылааҕынан тахсыбыта. Бу көрүҥнэр күрэх курдук аастылар. Кыайыылаахтар дипломнарынан, мэтээллэринэн уонна сыаналаах бириистэринэн наҕараадаланнылар. Бириистэри гимназиябыт аҕалара Андрей Герасимович Собакин, Николай Егорович Кузьмин, Эдуард Константинович Божедонов, Иван Иванович Поисеев, Гаврил Васильевич Жирков, Егор Егорович Лазарев, Марк Ксенофонтович Демьянов спонсордаатылар. Онон олус үчүгэй күн ааста! Эркин курдук эрэнэр аҕаларбытыгар барҕа махтал буоллун! ✊ Хаартыскалар: https://clck.ru/3SNLpo Афоня Местников, VIII "б" кылаас, "Тумус кыһа" медиа киин