ГОСПАБЛИК МБОУ "Чурапчинская гимназия им. С. К. Макарова"
Образование · 26 февраля 2026 г.
🌿С.К. Макаров аатынан Чурапчы гимназиятыгар анал байыаннай дьайыыга сылдьар биир дойду... — 26 февраля 2026 г. в 06:48:46.949
🌿С.К. Макаров аатынан Чурапчы гимназиятыгар анал байыаннай дьайыыга сылдьар биир дойдулаахтарбытыгар анаан «Саллаакка харысхал» аахсыйа тэрилиннэ. Аахсыйаҕа учууталлар, төрөппүттэр уонна үөрэнээччилэр бары кытыннылар. Кинилэр бары үтүө санаанан салайтаран, сэргэ быһыылаах харысхаллары, дьоҕус мөһөөччүктэри оҥордулар. Илии сылааһынан угуттаммыт, дойду салгынын иҥэринэ сылдьар харысхаллар дьоҕус мөһөөччүккэ угулуннулар. Ону кытары ыраастанарга, арчыланарга аналлаах үөрэ, боҕуруоскай отторун эбии угулунна. Ону кытары оҕолор «Саллаакка сурук» аахсыйаҕа кытыннылар. Барыта 200 сурук сурулунна. Онон бүгүн 100 харысхал уонна 200 сурук Чурапчы улууһун администрациятыгар туттарылынна. Аахсыйаҕа кыттыыны ылбыт учууталларбытыгар, төрөппүттэрбитигэр, гимназистарбытыгар барҕа махталбытын тиэрдэбит. Үтүө санааҕыт үс бүк үрдээн үтүөнэн эргийдин, дьоҥҥут - сэргэҕит алгыһа арчылана туруохтун!🙌🏻