ГОСПАБЛИК МБОУ "Чурапчинская гимназия им. С. К. Макарова"
Образование · 29 апреля 2026 г.
🧑🏫Муус устар 29 күнүгэр С.К. Макаров аатынан Чурапчы гимназиятыгар «Сыл бастыҥ учуут... — 29 апреля 2026 г. в 16:57:35.256
🧑🏫Муус устар 29 күнүгэр С.К. Макаров аатынан Чурапчы гимназиятыгар «Сыл бастыҥ учуутала» диэн куонкурус муниципальнай түһүмэҕэ буолла. Куонкуруска Чурапчы улууһун оскуолаларыттан барыта 6 бастыҥ учуутал кыттыыны ылла. Кыттааччылар педагогическай үлэлэрин, уопуттарын, сатабылларын киэҥник көрдөрөр, сырдатар хас да түһүмэҕи аастылар: 1. Уруок; 2. Педагогическай интервью; 3. Маастар-кылаас; 4. Блицтурнир; 5. Образовательнай форсаж. Куонкурус түмүгүнэн муҥутуур кыайыылааҕынан В.С. Соловьёв-Болот Боотур аатынан Хатылы орто оскуолатын история уонна обществознание учуутала Вероника Ивановна Спиридонова буолла. 2 миэстэ - Одьулуун орто оскуолатын учуутала Руслан Иннокентьевич Бекянов. 3 миэстэ - С.К. Макаров аатынан Чурапчы гимназиятын учуутала Игорь Васильевич Сивцев. «Педагогический поиск» анал аат - Г.П. Башарин аатынан Сылаҥ орто оскуолатын учуутала Сардаана Николаевна Игнатьева. «Учитель-мастер» - Чурапчы орто оскуолатын физика учуутала Саргылана Ивановна Макарова. «Учитель ученических признаний» - И.Е. Федосеев-Доосо аатынан Дириҥ агро-оскуолатын учуутала Марина Семёновна Булдакова. Ону кытары кыайыылаахтар педагогическай династиялар анал бириистэринэн наҕараадаланнылар. Муҥутуур кыайыылаахха Чурапчы улууһун профсойууһун анал бирииһэ туттарылынна. Бары кыттааччылары үрдүк сатабылларын көрдөрөн күрэххэ ситиһиилээхтик кыттыбыттарынан эҕэрдэлиибит! 👏🏻👏🏻👏🏻💐💐💐