ГОСПАБЛИК МБОУ "Чурапчинская гимназия им. С. К. Макарова"
Образование · 19 февраля 2026 г.
🎭Бүгүн, олунньу 19 күнүгэр, С.К. Макаров аатынан Чурапчы Гимназиятын сыанатыгар С.С. В... — 19 февраля 2026 г. в 17:28:27.181
🎭Бүгүн, олунньу 19 күнүгэр, С.К. Макаров аатынан Чурапчы Гимназиятын сыанатыгар С.С. Васильев-Борогонскай «Мөҕүрүүр бөҕө» диэн олоҥхону көрдөрдүлэр. Оруолларга 5 «а», «б» кылаастар үөрэнээччилэрэ оонньоотулар. «Уруйдан, улуу Олоҥхо» Төрөөбүт тыл, сурук-бичик нэдиэлэтин чэрчитинэн 5 кылаас оҕолоро С.С. Васильев-Борогонскай «Мөҕүрүүр бөҕө» олоҥхотун сыанаҕа оонньоотулар. Сонун тэрээһин кылаастар бырайыактыыр үлэлэрин чэрчитинэн тэрилиннэ. Ол курдук, кылаас салайааччылара Сардаана Николаевна Гоголева, Кыдаана Михайловна Екечьямова ураты хайысханы тайаммыттар. Кинилэргэ олоҥхону туруорууга гимназия саха тылын уонна литературатын учуутала Фекла Николаевна Болдовская, «Айылгы» норуот айымньытын дьиэтин фольлорга испэсэлииһэ Марианна Степановна Диодорова, «Дьиэрэҥкэй» оҕо народнай үҥкүү ансаамбылын салайааччыта Аси Куо Васильевна Ашеина үлэһиттэрэ күүс-көмө буоллулар. Биһиги олоҥхону көрөн олус сөбүлээтибит. Оҕолор оруолларыгар киирэн, дьиҥнээх артыыс курдук оонньооннор, бэртээхэй туруоруу буолла. Биһиги санаабытыгар, оҕолор олус үчүгэйдик оонньоотулар. Ордук абааһы оруолугар оонньообут оҕолор. Оттон кыталык кыргыттар олус кэрэтик үҥкүүлээтилэр. С.С. Васильев-Борогонскай «Мөҕүрүүр бөҕө» олоҥхотун сыанаҕа туруоруу туһунан көрөөччүлэртэн санааларын туоһуластыбыт. Бу курдук, кылгас кэм иһигэр, үөрэхтэн, үлэттэн ордон олоҥхо ураты эйгэтин олохтообуттарыттан көрөөччүлэр бары сөхтүбүт. Учууталларбытыгар, кырачаан доҕотторбутугар олус үчүгэй олоҥхону туруорбуттарыгар улахан махтал👏🏻👏🏻👏🏻☺️💐💐💐 📝Наина Божедонова, Айаана Куприянова, Айыына КУО, VI кылаас, «Тумус кыһа» медиа киин, С.К. Макаров аатынан Чурапчы гимназията