ГОСПАБЛИК МБОУ "Чурапчинская гимназия им. С. К. Макарова"
Образование · 20 февраля 2026 г.
Бүгүн, олунньу 20 күнүгэр — 20 февраля 2026 г. в 12:22:20.937
Бүгүн, олунньу 20 күнүгэр С.К. Макаров аатынан Чурапчы гимназиятыгар Арассыыйаҕа Норуоттар сомоҕолоһуулара, Саха сиригэр Култуура, Чурапчы улууһугар Олохтоох оҥорон таһаарыы сылларыгар аналлаах «Басхан-2026» улуустааҕы дьыалабыай оонньуу буолла. Быйыл Чурапчы улууһун 9 оскуолаттан барыта 11 уол кытынна. Кыттааччылар 5 түһүмэххэ бэйэлэрин тургутан көрдүлэр. «Удьуор утума» диэн бастакы түһүмэххэ төрдүлэрин-уустарын билиһиннэрдилэр. Манна кыттааччы удьуор утумун төһө элбэх көлүөнэҕэ диэри билэрэ сыаналанна. «Дойду салайааччылара мин тус бэйэм көрүүбүнэн» диэн иккис түһүмэххэ уолаттар араас кэмҥэ салайа сылдьыбыт дьон туһунан санааларын уонна тугу билэллэрин иһитиннэрдилэр. «Өркөн өй» түһүмэххэ уолаттар билиилэрин тургутан блиц-ыйытыыларга хоруйдаатылар. Хас биирдии кыттааччыга 10-нуу араас тургутук ыйытыылары биэрдилэр. Төрдүс түһүмэҕинэн дьылабыай оонньуу буолла, ол эбэтэр дебат. Уоланнар бэйэлэрин инники олохторугар өрөспүүбүлүкэлэрин, улуустарын, нэһилиэктэрин хайдах сайыннарар былааннарын, баҕа санааларын тула кэпсэттилэр. «Айыы умсулҕана» түмүктүүр түһүмэххэ кыттааччылар хоһоон устуруокатын тутатына ситэрэн, салҕаан айарга холонон көрдүлэр. Уолаттар ис-истэриттэн дьоҕурдаахтар, талааннаахтар эбит диэн бэлиэтии көрдүбүт. Кылгас бириэмэ иһигэр тутатына уустаан-ураннаан айан сөхтөрдүлэр. Уустук түһүмэхтэр кэннилэриттэн түмүк маннык буолла: Муҥутуур кыайыылаах – Михайлов Андрей, С.К.Макаров аатынан Чурапчы гимназиятын II үрдэл – Пономарев Арылхан, В.С.Яковлев-Далан аатынан Кытаанах орто оскуолатын 10 кылааһын үөрэнээччитэ III үрдэл – Протодьяконов Анатолий, Г.П. Башарин аатынан Сылаҥ орто оскуолатын 10 кылааһын үөрэнээччитэ “Сайдам саҥа Басхана” анал аат- Лукин Аристарх, С.Д.Флегонтов аатынан Хадаар орто оскуолатын 10 кылааһын үөрэнээччитэ “Хомоҕой тыл Басхана” анал аат- Попов Эрчим, Н.Д.Субуруускай аатынан Болтоҥо орто оскуолатын 10 кылааһын үөрэнээччитэ “Өркөн өй Басхана” анал аат- Христофоров Тимур, С.А. Новгородов аатынан Чурапчы орто оскуолатын 10 «а» кылааһын үөрэнээччитэ “Кыайыыга дьулуур” анал аат- Охлопков Айхал, Д.Г.Барашков аатынан Бахсы орто оскуолатын 10 кылааһын үөрэнээччитэ. Уолаттар бары олус хорсун санаалаахтара, дириҥ толкуйдаахтара, бэлэмнэрэ тута көстөр. Толлубакка, харса суох, олус үчүгэйдик, таһымнаахтык кытыннылар. Бары кыттааччыларга уонна салайааччыларыгар истиҥ эҕэрдээ!👏🏻👏🏻👏🏻 Андрейга өрөспүүбүлүкэтээҕи түһүмэххэ ситиһиини баҕарабыт!☺️🍀 📝 Кристина Михайлова 📸 Винея Барашкова «Тумус кыһа» медиа киин, С.К. Макаров аатынан Чурапчы гимназията