ГОСПАБЛИК МБОУ "Чурапчинская гимназия им. С. К. Макарова"
Образование · 10 апреля 2026 г.
☀️Муус устар 9 күнүгэр С.К. Макаров аатынан Чурапчы гимназиятыгар "Мааны ыалдьыт" барый... — 10 апреля 2026 г. в 13:31:52.486
☀️Муус устар 9 күнүгэр С.К. Макаров аатынан Чурапчы гимназиятыгар "Мааны ыалдьыт" барыйыагынан олоҥхо алыптаах эйгэтэ тэрилиннэ. Бу бырайыак орто сүһүөх оҕото ийэ тылын өссө дириҥник үөрэттин, биллин диэн ыытыллар "Ийэ тыл биһигэ" диэн бырайыак чэрчитинэн ыытыллан, ый ахсын оскуола оҕолоро олоҥхоһуттары кытта көрсөллөр. Гимназияҕа 5-8 кылаас оҕолоро олоҥхону иһиттилэр. Чурапчы улууһун "Оллоон" бөлөҕө кэлэн ыалдьыттаатылар. - Кинилэр истэригэр биһиги оскуолабытыгар өр кэмҥэ үлэлээбит физкультура учуутала Антон Антонович Сергеев олоҥхолоото. Кини ырыата-тойуга, кэпсээнэ, сэһэнэ чаҕылхайа, куолаһа чөллөркөйө барыбытын сөхтөрдө. Оҕолор тапталлаах учууталларын көрөн олус үөрдүлэр. Кинини кытары эмиэ биһиги гимназиябытыгар үлэлээбит, асчыт мааныта Клара Петровна Кондратьева олоҥхолоото. Оҕолор ордук абааһы бухатыырын ырыатын толорбуттарын интэриэһиргээбиттэр. Санаа атастаһыытыгар олус кэрэхсээбиттэрин биллэрдилэр. Ыам ыйыгар эмиэ ыалдьыттыы кэлиэхтээхтэр. Долгуйа күүтэбит. Бу бырайыакка үлэлэһэ сылдьар Оҕо бибилэтиэкэтин үлэһиттэригэр төрөппүттэр, оҕолор ааттарыттан махталбытын тиэрдэбит - диэн саха тылын уонна литературатын учуутала Сардаана Николаевна Гоголева санаатын үллэстэр👏👏👏