ГОСПАБЛИК МБОУ "Чурапчинская гимназия им. С. К. Макарова"
Образование · 2 июля 2026 г.
САХА КВН ЛААҔЫРА – ТАЛААННААХ ЫЧЧАТ АРЫЛЛЫЫТА — 2 июля 2026 г. в 19:54:01.819
САХА КВН ЛААҔЫРА – ТАЛААННААХ ЫЧЧАТ АРЫЛЛЫЫТА Саха Өрөспүүбүлүкэтигэр КВН хамсааһына уруккуттан ыла ыччат талаана арыллар, төрүт тылбыт сайдар, култуурабыт чэчириир киэҥ эйгэтэ буолар. Сахалыы юмор, сытыы тыл, олоххо сыһыан – барыта КВН-ҥа холбоһон, ыччаппыт өйүн-санаатын сайыннарар. Ол курдук, бу сылга 34-с төгүлүн ыытыллар улахан суолталаах Саха КВН лааҕырыгар биһиги гимназиябытыттан икки талааннаах үөрэнээччи сылдьар чиэстэннилэр! Өрөспүүбүлүкэтээҕи КВН күрэҕэр ситиһиилээхтик кыттан, Саина Захарова уонна Полина Пинигина лааҕырга барыыга путевканан наҕараадаланнылар. Бу – кинилэр эрэ ситиһиилэрэ буолбатах, биһиги гимназиябыт айар куттаах оҕолору өйүүр үлэтин биир чаҕылхай көрдөрүүтэ. Лааҕыр от ыйын 1 күнүттэн 12 күнүгэр дылы, Хаҥалас улууһун кэрэ айылҕалаах Тиит Эбэ сиригэр ыытыллар. Бу кэм устата оҕолорбут КВН эйгэтигэр дириҥник киирэн, элбэх саҥаны билэн-көрөн, айар дьоҕурдарын өссө сайыннарыахтара турдаҕа. Лааҕыр сүрүн сыала: Саха Өрөспүүбүлүкэтигэр саха тылынан КВН хамсааһынын сайыннарыы. Соруктара: • Талааннаах оҕолору булуу уонна өйөөһүн. • Оҕолору аныгы ускуустубаҕа уонна айымньылаах индустрияларга сыһыарыы. • Ыччат ортотугар төрүт тылбытын киэҥник тарҕатыы. • Эдэр КВН-щиктар артыыс маастарыстыбаларын үрдэтии. • КВН оонньуутун сатабылын, сыанаҕа туттар дьоҕуру сайыннарыы. • Толоруу сценарийын (миниатюралары) суруйарга үөрэтии. • КВН оонньуутун быраабылаларын уонна ирдэбиллэрин билиһиннэрии. Биһиги Саина уонна Полина лааҕыртан элбэх билиилээх, саҥа доҕоттордоох, уопут мунньунан, өссө күүстээх айар куттаах буолан кэлиэхтэрэ диэн эрэнэбит. Кинилэр кэлэр сылларга гимназиябыт КВН хамаандатын инникигэ сирдиэхтэрэ, саҥа ситиһиилэргэ тиэрдиэхтэрэ диэн күүтэбит! Дьоллоох айаны уонна ситиһиилэри баҕарабыт!👏🏻👏🏻👏🏻😍🎊🎉