ГОСПАБЛИК МБОУ "Чурапчинская гимназия им. С. К. Макарова"
Образование · 24 апреля 2026 г.
⭐Муус устар 24 күнүгэр улуустааҕы военнай-спортивнай «Снежный барс» оонньуу саҕаланна. ... — 24 апреля 2026 г. в 15:34:00.835
⭐Муус устар 24 күнүгэр улуустааҕы военнай-спортивнай «Снежный барс» оонньуу саҕаланна. Күрэх С.К. Макаров аатынан Чурапчы гимназиятын выпускниктара Чичигинаров Айал Иванович уонна Макаров Николай Николаевич сырдык ааттарыгар ананна. Кинилэр оскуола эрдэхтэн көхтөөх көрүүлээхтэрэ, улаатан да баран дьон-сэргэ туһугар үлэлии-хамсыы сылдьыбыттара. Дойдуларын чиэһин көмүскүүр кэм кэлбитигэр бастакы уочарат туруммуттара. Холобур буолар дьоммут үтүө ааттара үйэтиллэрин туһугар суолталаах тэрээһин ыытылынна. Күрэххэ Чурапчы улууһун оскуолаларыттан 11 хамаанда кыттыыны ыла сылдьар. Кинилэр барыта 8 түһүмэххэ күрэхтэһэллэр. Бастакы күнүгэр автоматы ыһыыга, хомуйууга, байыаннай хаамыыга уонна ырааҕы ытыыга күрэхтэстилэр. Бүгүҥҥү күн саамай умнуллубат түгэнинэн, Айал Чичигинаров, Николай Макаров чугас дьоно, доҕотторо кыттыылаах, хорсун быһыыланыы уруога буолла. Түһүмэхтэри кэтээн көрөммүт, күрэххэ бэйэлэрин кыанар, эт-хаан өттүгэр сайдыылаах оҕолор кытталлар эбит диэн түмүккэ кэллибит. Оҕолор, хамаандалар чилиэттэрэ, суолталаан олус үчүгэйдик бэлэмнэнэн кэлбиттэрин көрөн олус астынныбыт. Хас биирдиилэригэр истиҥ махталбытын тиэрдэбит. Бу курдук, эдэр ыччаты дьулуурдаах, тулуурдаах, дойдуга бэриниилээх буоларга үөрэтэр, хорсун буойуннарбытын, биир дойдулаахтарбытын үйэтитэр дириҥ суолталаах тэрээһин үрдүк таһымнаахтык саҕаланна👏🏻👏🏻👏🏻 Нелли Аянитова, Катя Монастырева, VIII кылаас, «Тумус кыһа» медиа киин, С.К. Макаров аатынан Чурапчы гимназията Хаартыскалар: https://vk.com/album-217282117_309682071 Винея Барашкова, Х кылаас, хаартыскаҕа түһэриитэ.