Госпаблик МБОУ "Хаяхсытская СОШ имени А. П. Илларионова"
Образование · 30 мая 2026 г.
✨ "Дьоллоох оҕо саас" ыһыаҕа уһуйааҥҥа — 30 мая 2026 г. в 12:54:53.892
✨ "Дьоллоох оҕо саас" ыһыаҕа уһуйааҥҥа Ыам ыйын 29 күнүгэр, Оҕо көмүскэлин күнүн көрсө, уһуйааммытыгар "Дьоллоох оҕо саас"диэн ыһыах буолан ааста. Ыһыах үөрүүлээх арыллыытын уһуйааммыт сэбиэдиссэйэ, Матрена Николаевна, ыам ыйын алгыһынан, истиҥ эҕэрдэ тылынан саҕалаата. Ол кэннэ, оҕолорбут бэйэлэрин эҕэрдэ кэнсиэрдэрин көрдөрдүлэр. Сахалыы ырыалар, олоҥхо, чабырҕахтар уонна сэргэх үҥкүүлэр көрөөччүлэри үөртүлэр. Кэнсиэри иитээччи Поисеева Надежда Николаевна оһуохай таһааран түмүктээтэ, онно оҕолор, төрөппүттэр бары бииргэ кыттыһан, үөрүү-көтүү аргыстаах оһуохайга эргийдилэр. Ыһыах иккис чааһыгар араас күрэхтэһиилэр ыытылыннылар: 🔅 "Бастыҥ Саха таҥаһа" – 🔅Кыргыттарга "Уһун суһуох" 🔅Бөлөхтөрүнэн сүүрүү 🔅Уонна биир саамай күүтүүлээх,уолаттар күрэхтэрэ "Уолан 2026" күрэх буолла. Уһуйааммыт 4 улахан уола бэйэлэрин күүстэрин, дьулуурдарын, сахалыы мындыр толкуйдарын холонон көрдүлэр. Кинилэр мас тардыһыытыгар, хапсаҕайга, миэстэттэн ыстаныыга (куобахтааһын), кыыс эккирэтиигэ уонна таас көтөҕүүтүгэр күрэхтэстилэр. 💪 "Уолан 2026" күрэҕин түмүктэрэ: 🏆 Уолан 2026 дьоһун аатын сүкпүтэ – Эркин Поисеев! Номинациялар: 🏅"Үрүҥ уолан" – Петя Борисов 🏅"Хоһуун уолан" – Ярослав Феофанов 🏅 "Кэскиллээх уолан" – Айсен Колесов Түмүккэ, туһүлгэнэн олорон ыһыах аһын аһаан, үөрэн-көтөн, сайыҥҥы сынньаланҥа тарҕастыбыт. Күрэхтэспит, кыттыбыт оҕолорбутугар барыларыгар махталбытын тиэрдэбит! Кыайыылаахтары эҕэрдэлиибит! Бу ыһыах хас биирдии оҕоҕо уонна төрөппүккэ умнуллубат кэрэ күнү бэлэхтээтэ ❤️