Госпаблик МБОУ "Хаяхсытская СОШ имени А. П. Илларионова"
Образование · 27 мая 2026 г.
🌞 Хайахсыт оскуолатыгар ыһыах — 27 мая 2026 г. в 15:52:52.263
🌞 Хайахсыт оскуолатыгар ыһыах Бүгүн, ыам ыйын 27 күнүгэр, Хайахсыт орто оскуолатыгар самаан сайыны көрсөр, үгэс буолбут биир улахан тэрээһиммит - оскуолабыт ыһыаҕа буолла. Бу күн оскуола коллектива, үөрэнээччилэр уонна кинилэр төрөппүттэрэ түмсэн, үөрүү-көтүү аргыстаах бэлиэ күнү атаардылар. Тэрээһиммит биир саамай кэрэхсэбиллээх түгэнинэн “Күн төгүрүк алаадьы” күрэх буолла. Манна оҕолор ийэлэринээн эбэтэр эбээлэринээн биирдии хамаанда буолан, алаадьы буһарыытыгар күрэхтэстилэр. Алаадьы ахсаана, амтана, тиэстэни түргэнник охсуу, буһарыы уонна көмүскээһин – барыта сыаналанна. 🥇 1 миэстэ – Маркова Альбина Филипповна сиэнинээн Лилиялыын; 🥈 2 миэстэ – Говорова Наталья Семеновна кыыһынаан Сайааралыын; 🥉 3 миэстэ – Петрова Мотрена Егоровна кыыһынаан Сардааналыын. Үөрүүлээх арыллыыга Саха сиэринэн арчылааһын сиэрэ-туома ыытылынна. Ол кэннэ, күрэхтэһээччилэр илиилэрин сылааһынан буспут төгүрүк, алгыстаах алаадьыларынан мустубут ыалдьыттары барытын айах туттулар. Эҕэрдэ кэнсиэр доҕуһуолунан, 2025-2026 үөрэх дьылын түмүгүнэн оскуолабыт дириэктэрэ Аида Алексеевна Томская оскуола олоҕор көхтөөхтүк кыттар дьиэ кэргэттэргэ Махтал суруктары туттартаата. Ону таһынан кылаастан биирдии оҕоҕо "Бастыҥ үөрэнээччи" диэн анал наҕараадалар туттарылыннылар: ⚜️1 кылаас – Бандерова Виолетта; ⚜️2 кылаас – Бродникова Июлия; ⚜️3 кылаас – Пестерев Айтал; ⚜️4 кылаас – Бандеров Слава; ⚜️5 кылаас – Поисеева Каролина; ⚜️6 кылаас – Назаров Эрсан; ⚜️7 кылаас – Петрова Сардаана; ⚜️9 кылаас – Маркова Лилия; ⚜️10 кылаас – Борисова Вика; ⚜️11 кылаас – Аржакова Комила. Оһуохай күнүн уруйдаан 1-11 кылаас оҕолоругар Оһуохай күрэҕэ ыытылынна. 🥇 1 миэстэ – Назаров Эрчимэн (4 кылаас) ; 🥈 2 миэстэ – Колесов Тимур (4 кылаас) ; 🥉 3 миэстэ – Бандеров Слава (4 кылаас); Уонна биир дьоһун күрэх – "Бастыҥ саха таҥаһа", дьиэ кэргэттэргэ ананан ыытылынна: 🥇 1 миэстэ – Бандеровтар дьиэ кэргэн; 🥈 2 миэстэ – Пестеревтар дьиэ кэргэн; 🥉 3 миэстэ – Борисовтар дьиэ кэргэн.