Госпаблик МБОУ "Хаяхсытская СОШ имени А. П. Илларионова"
Образование · 23 мая 2026 г.
✨ Оскуола киэҥ аартыгар оҕолорбутун атаардыбыт — 23 мая 2026 г. в 10:54:54.715
✨ Оскуола киэҥ аартыгар оҕолорбутун атаардыбыт Бүгүн, ыам ыйын 23 күнэ, бэлэмнэнии бөлөх оҕолорун олохторугар ураты, умнуллубат күн буолла! Тапталлаах уһуйааннара кинилэри оскуола диэн саҥа, кэрэхсэбиллээх айаннарыгар үөрүүлээхтик атаарда. Бырааһынньык оскуола актовай саалыгар олус чаҕылхайдык, истиҥник уонна долгутуулаахтык ааста. Бэлэмнэнии бөлөх уонна улахан группа иитиллээччилэрэ бэйэлэрин дьоҕурдарын көрдөрөн, эҕэрдэ кэнсиэркэ кыттыыны ыллылар. Кинилэр уһуйааннарыгар бу сыл устата туохха үөрэммиттэрин төрөппүттэригэр, ыҥырыылаах ыалдьыттарга үөрэн-көтөн туран көрдөрдүлэр. Төрөппүттэр, иитээччилэргэ оҕолоругар анаабыт сүргэлээх кыһамньыларын, болҕомтолорун уонна сылаас сыһыаннарын иһин истиҥ махталларын тиэртилэр. Иитээччилэр, бэйэлэрин өттүлэриттэн, кэскиллээх иитиллээччилэригэр үөрэххэ үрдүк ситиһиилэри, айар санаалары уонна олох саҥа кэрдиис кэмигэр – оскуола киэҥ аартыгар – элбэх арыйыылары, чаҕылхай түгэннэри баҕардылар. 🔔Оскуолаҕа көрсүөххэ диэри, күндү бастакы кылаас үөрэнээччилэрэ! Иннигитигэр билии суолун аартыга уонна элбэх интэриэһинэй арыйыы күүтэр! Ситиһиилэри баҕарабыт!🙌🏽