😍😍☀️☘️"Айыы Кыһата" самаан сайыны көрсө, үрдүк таһымнаах Ыһыаҕы тэрийдэ👏
😍😍☀️☘️"Айыы Кыһата" самаан сайыны көрсө, үрдүк таһымнаах Ыһыаҕы тэрийдэ👏 🌸"Айыы Кыһата" оскуолаҕа сайын кэлиитин уонна үрдүк Айыыларга сүгүрүйэр сиэрдээх-туомнаах ыһыах таһымнаахтык ыытылынна. Бу алгыстаах түгэҥҥэ 1-11 кылаастар үөрэнээччилэрэ, төрөппүттэр, оскуола үлэһиттэрэ, ону тэҥэ ыҥырыылаах ыалдьыттар көхтөөхтүк кыттыыны ыллылар.👏😍☘️ Ыһыах сахалыы үгэстэри тутуһан саҕаланна. Эбээлэр уонна ийэлэр түптэнэн унаарытан, мустубут дьону арчылаатылар, ыраас санааны иҥэрдилэр. "Айыы Кыһатыгар" Айыы үөрэҕин киллэрбит, ытыктабыллаах Анатолий Николаевич Павлов – Дабыл, Иэйэхсит ый суолтатын уонна 3 сүлдьүгэстээх күрүө ытык өйдөбүлүн мустубут дьоҥҥо кэпсээтэ. Бу кэннэ оскуолабыт сэһэнньитэ Наталья Анатольевна Николаева аҕыс кыыстыын, тоҕус уоллуун киирэн, Иэйэхсит холумтанын олохтооһун сиэрин-туомун толордо. "Сандал" оҕо ансаамбыла үҥкүүнэн дьону умсугутан, дьикти дьүһүннэри дьиэрэҥкэйдэттэ. Кыл кырыымпа бөлөҕө тыыннаах доҕуһуолу оонньоон, ыһыах дууһатын дорҕоонноото. Ыһыах аартыгар, номоххо кэпсэнэрин курдук, Эллэй киирэн бас киһибитигэр Айыы Кыһатын дириэктэригэр Лидия Петровна Шамаеваҕа туттаран, кымыс үрдүн охторон, хас биирдии кылааһы күндүлээтэ.❤️ Тэрээһин түмүгэр Иэйэхсит ый оһуокайа күнү эргийэ биир түһүлгэҕэ түмтэ, оҕону-урууну, аҕаны-ийэни биир дьырылыыр тойукка холбоото. Оскуола 20 сыллаах үбүлүөйдээх сылын уруйдаан, ыҥырыылаах ыалдьыттары анал Сандалы түһүлгэтигэр ыҥыран, кэскиллээҕи кэрэһэлээтибит. Кылаастар бэйэлэрин түһүлгэлэригэр аһаан, оонньоон-күлэн, сандалы, түһүлгэ көрүүтүгэр кыттан, күөх хонууга көччүйэ сынньаннылар. Оҕолор эҕэрдэ кэнсиэрдэрэ тэрилиннэ, үөрэх дьылын түмүгүнэн ыытыллыбыт РЕЙТИНГ түмүгүнэн бастыҥ кылаастара ааттаннылар, түһүлгэ уонна сандалы көрүүтүгэр хас биирдии кылаас анал наҕараадаларынан бэлиэтэннэ. 😍 Ону сэргэ, «Эрчимэн оонньуулара» күрэх үрдүк таһымнаахтык, өрө күүрүүлээхтик тэрилиннэ. Спортивнай оонньуулар, эбээлэр сыллата ыытар уһун суһуохха күрэхтэрэ, оһуокай түһүлгэтэ дьону-сэргэни үөрдэн-көтүтэн аастылар.🙏 "Айыы Кыһатын" кэллэктиибэ ыһыахха көхтөөхтүк кыттыбыт хас биирдии кылаас оҕолоругар, төрөппүттэригэр уонна салайааччыларыгар, үлэһиттэригэр, ыкса ситимнээх дьоммутугар ис сүрэхтэн истиҥ махтал тылларын тиэрдэбит.👏❤️😍 Махтал👏, Таптал,❤️ Эрэл☘️ Күөх окко үктэнэн үгүс умнуллубат күннэри атаарыах😍🌸 си☀️☘️"Айыы Кыһата" самаан сайыны көрсө, үрдүк таһымнаах Ыһыаҕы тэрийдэ👏 Сиһилии хаартыскалары бу сигэнэн киирэн көрүн https://disk.yandex.ru/d/r-L_1kxvDyCFwQ