Балаҕан ыйын 11-12 күннэригэр 10-с кылаас үөрэнээччилэрэ, кылаас салайааччылара уонна о...
Балаҕан ыйын 11-12 күннэригэр 10-с кылаас үөрэнээччилэрэ, кылаас салайааччылара уонна оскуолабыт үлэһиттэрэ үлэни кытта сынньалаҥы дьүөрэлээн, Мэҥэ-Хаҥалас улууһун Төхтүр нэһилиэгэр оҕолор кыһын сиир хортуоппуйдарын хомуйан кэллибит. Бастакы күн оҕолорбут түмсүүлээхтик, көхтөөхтүк үлэлээн, сүрдээх үчүгэйдик бэйэлэрин көрдөрдүлэр. 125 куул хортуоппуйу хомуйан, оскуолабыт остолобуойугар күүс-көмө буоллулар. Эбиэт кэнниттэн оҕолор хаһаайыттар хортуоппуйдарыгар эмиэ көмөлөһөн, махталлаах буолалларын бигэргэттилэр. Киэһээ оҕолорго анаан биир умнуллубат көрсүһүү буолла. XX үйэ рекордсмен-ыанньыксыта, Саха Өрөспүүбүлүкэтин тыатын хаһаайыстыбатын үтүөлээх үлэһитэ, "Хотугу сулус" орден кавалера Павел Петрович Шарин кэлэн истиҥ кэпсэтии буолла. Кини оҕолорго үлэҕэ сыһыан, олоххо дьулуур туһунан муударай сүбэлэри биэрдэ, бэйэтин уопутун үллэһиннэ. Бу икки күн оҕолорго үлэни эрэ буолбакка, айылҕалыын алтыһыы, саҥа дьону кытта билсиһии, бэйэ-бэйэни өйөһүү кэрэ түгэннэрин үөскэттэ. Эбиитин оҕолорбут илии тутуурдаах, өттүк харалаах үөрэн-көтөн тарҕастыбыт👍🏻 Маннык тэрээһиннэр оҕолорбутун кэлэр олоххо бэлэмнииргэ, кинилэргэ үлэ үтүөтүн өйдөтөргө улахан суолталаах буоларын өйдөөн төрөппүттэр барыгытыгар махтал тылларын биллэрдилэр.