✅Ол курдук кииҥҥэ, үлэ көрдүү кэлбит киһиэхэ кэтэһии кэбиниэтэ, киһини кытта биирдиилээ...
✅Ол курдук кииҥҥэ, үлэ көрдүү кэлбит киһиэхэ кэтэһии кэбиниэтэ, киһини кытта биирдиилээн үлэлиир хос, үлэ көрдүү кэлбит киһини көрсөр, бөлөҕүнэн олорон дьарыктанар саала, оҕо оонньуур муннуга, цифровизация сектора, үлэ биэрээччи тускэбиниэтэ, салайааччы хоһо, докумуоннары уурар архыып хоһо, таҥас ыйыыр хос, саньытаарынай сир. Маны таһынан мал-сал уонна тиэхиньикэ барыта саҥа буолан саҥа каадыр киинэ Орто Халыма олохтоохторугар аныгылыы оҥоһуулаах былаһаакка буолуоҕа. Саҥа дьиэ тутуута улуус нэһилиэнньэтин үлэ ырыынагын сайыннарыыга, дьон үлэлээх буолуутун хааччыйыыга улахан оруолу оон-ньуоҕа. Орто Халыма улууһугар үлэ киинин саҥа дьиэтэ тутуллуута — «Каадырдар» национальнай бырайыак ситиһиилээх үлэтин көрдөрөр холобур. Бу бырайыак үлэһиттэргэ аныгы усулуобуйаҕа үлэлиир, саҥа идэни баһылыыр, олохторун-дьаһахтарын тупсарар кыаҕы биэрэр. Саха сирин Ил Дархана Айсен Николаев бэлиэтээбитинэн, өрөспүүбүлүкэҕэ дьарыктаах буолуу кииннэрин саҥардыы үлэлэригэр уонна Аартыка оройуоннарыгар үлэни аналлаахтык тэрийиигэ ураты болҕомто ууруллуохтаах. Орто Халыма улууһа Аартыка оройуоннарыгар киирсэр буолан бу бырайыакка сүрүн миэстэни ылар. Онон саҥа киин аһыллыыта улуус үлэһиттэригэр саҥа кыахтары арыйыаҕа, көдьүүһүн үрдэтиэҕэ, ону тэҥэ нэһилиэнньэҕэ оҥоһуллар сулууспа саҥа таһымҥа тахсыаҕа. Анастасия Бережнова @khalymadolgunnara @ulusmedia