#Үтүө дьыала
#Үтүө дьыала #АБДь 🪖*Уолаттарбыт көмөҕө эрэнэллэр, өйөбүлү күүтэллэр...* 🔺Анал байыаннай дьайыы саҕаланан, аан дойдуну аймаабыта 4-с сылын ааста. Ыарахан балаһыанньа саҕаланыаҕыттан хомуур-га түбэһэн, хантыраах баттаһан, үгүс биир дойдулаахпыт кытта барда. Ол кэмтэн байыастарбытыгар, кинилэр дьиэ кэргэттэригэр туох кыах баарынан, араас таһымнаах көмөлөр, аахсыйалар оҥоһуллаллар. 📦Бу күннэргэ анал байыаннай дьайыыга кытта сылдьар байыастарбытыгар анаан баһыылкалар хомулуннулар. Тустаах хамсааһын Орто Халыма улууһун дьаһалтатын көҕүлээһининэн, исписэлиис, үтүө көмөһүт Андрей Егорович Бережнов салайыытынан тэрилиннэ. 🎙️Бэнидиэнньиккэ «Кулума» култуура киинигэр улуус дьаһалтатын исписэлиистэрэ маллары айаҥҥа бэлэмнии, сааһылыы сылдьалларыгар тиийэн билистим. Ханнык мал ханна уурулларын, туохха угулларын барытын Андрей Бережнов салайар. Кини бу алтыс сырыыта буолан тэрээһин ис аһын төрдүттэн билэр буоллаҕа... Алтынньы 29 күнүгэр «Полярные авиалинии» хампаанньа сөмөлүөтүнэн баһыылкалар Дьокуускай куоракка ыытылыннылар. Соруктаах хамсааһын туһунан, быһаччы, Андрей Егоровичка тахсан билистибит. ✈️37 миэстэ ыытылынна Бэҕэһээ сөмөлүөтүнэнмал барыта барда. Баһыылка ыйааһынын ороскуотун хампаанньа бэйэтэ уйунна, биһигиттэн каассабай ороскуота уонна кэмигэр сөптөөх докумуона оҥоһуллуон наада. Ааспыт сылга 1 т. 200к. мал барбыт эбит буоллаҕына, бу сырыыга 610 киилэ (37 миэстэ, үс аҥаар куб) ыытылынна. Быйыл, кыһыҥҥы суол тура илик буолан, аҕыйах баһыылка тутулунна. Аахсыйаҕа улуус куоратын уонна бары нэһилиэктэрин олохтоохторо, үлэ тэрилтэлэрэ, уопсастыбаннай түмсүүлэр, урбаанньыттар кытыннылар. Ол курдук буортутуйбат тоҥ аһы, оскуола оҕолоро суруктары, култуура тэрилтэлэрэ уонна уопсастыбаннай түмсүүлэрэ харысхаллары, түптэлэри, сиэлтэн угунньалары, баайыы итии наскыны, үтүлүгү, суунар мал-сал ылан уо.д.а. оҥорон туттардылар. ▫️Пуондаҕа киирэр харчы аҕыйах Анал пуондаҕа киирбит харчы уолаттар сайаапкаларыгар туһаныллар. Ол курдук байыастарбыт үксэ аныгы байыаннай сэпкэ-сэбиргэлгэ (квадракоптер, тепловизор уо.д.а.) олус наадыйаллар, көмөҕө эрэнэллэр. Аһаҕастык, биирдиилээн да көмө сурук интэриниэт ситимин нөҥүө ыыталлар. Ол курдук пуондаҕа киирбит харчынан ТМЦ (технические материальные ценности) байыаннай мал, тэрил ыла сатыыбыт. Оннук тэриллэр олус ыарахан сыаналаахтар. Холобур биир көтөр тэрил быһа холоотоххо, 100-тэн тахса тыһыынчалаах буолар. Ааспыт сылларга пуондаҕа 2-3 мөлүйүөн киирэр буолара. Быйыл аҕыйах үп киирбит. Онон успуонсардартан көмө көрдөһөбүт. Киирбит үптэн барыларыгар туһана сатыыбыт. Барытын отчуоттуубут. Уолаттар барытын өйдүүллэр. Көмөлөһөр дьоҥҥо, тэрилтэлэргэ махтанабыт. Маны тэҥэ генератордар, аккумулятордар наада буолаллар. Сыаналаах тээбириннэри үксэ урбаанньыттар уйунааччылар. Биллэрин курдук, маннык тэриллэр олус алдьаналлар, туһаларыттан тахсаллар. Итиэннэ байыастар сааҕа, ботуруоҥҥа наадыйаллар. «Росгвардия» тэрилтэтин нөҥүө былдьаммыт эбэтэр аахсыйанан туттарыллыбыт саалар ыытыллааччылар. Бу тустаах тэрилтэ боломуочуйатынан быһаарыллар. 🛻Баһыылкалары бирисиэптээх массыынанан тарҕатабын Дьокуускайга ыытыллыбыт баһыылкалары биир дойдулаахтарбыт В.М.Бандеров, М.М.Винокуров, Е.П.Созонов, И.С.Третьяков көрсөн дьаһаллаатылар. Бэйэм уоппуска ылан, мантан сэтинньи 3 күнүгэр көтүөм. Баһыылкабытын Дьокуускайтан салҕыы Москубаҕа диэри «Якутия» авиахампаанньанан ыытарга үлэ ыытыахпыт. Соруктаах сирдэрбин бирисиэптээх массыынанан сылдьан кэрийэбин. Массыынам бирисиэбин «сэлии муоһун хостуур» биригээдэлэр успуонсардаан биэрбиттэрэ. Айаммар көмөлөһөр, ыйан-кэрдэн биэрэр дьонноохпун. ⁉️Төлөбүрдээх суолларга боппуруостар баар буолаллар. Докумуону сөпкө дьаһана сырыттахха барыта табыллар кыахтаах. Маны сэргэ биирдиилээн дьон көрдөһүүтэ эмиэ киирэр. Байыаннай штабтарга, чаастарга тиийэн информация ылан, көрсүбүт байыастарбын төһө кыалларынан хаартыскаҕа түһэрэн, дьиэ кэргэттэригэр отчуоттуу, хайдах сылдьалларын биллэрэ сатыыбын. Госпитальга сытар уолаттарбын көрсөөччүбүн. Баһыылкалары, кыраапык