✒ Эвенк мир вәӆупсы оӆӑӊӑн — 3 июля 2026 г. в 12:04:06.364
✒ Эвенк мир вәӆупсы оӆӑӊӑн Аудиоматериал на хантыйском языке Москва хон воша я̆ӊхмємн ма эвенк имєӊӑн пиӆа вәтаӊа йисум – Елена Исакова па Оксана Мальчакитова. Ӆын сӑк эвӑӆт эвенк мир йис пурмӑсӑт вєрӆӑӊӑн. Ӆын путӑртсӑӊӑн, хутыса эвенкӑт йистєӆн сӑк кӑрӑтсӑт, пўнӑӊ ӆәмӑтсух ёнтсӑт, хутыса ӆыв интӑм вәӆӆӑт. Елена Владимировна Исакова Амурской область Зейской район Бомнак вош эвӑӆт тыв юхтӑс. Ӆўв ӑшкола етшуптумаӆ ю̆пийн Хабаровск воша вәнӆтыйӆты я̆ӊхӑс. Щӑӆта рәт кәртӑӆа кєрӆӑс. Икеӆ пиӆа хәӆум няврєм єнмӑӆтӑс. Ӆўв айтєӆн ӑӊкеӆн вўӆы па па войт сух эвӑӆт ӆәмӑтсух ёнтты па сӑк кӑрӑтты вәнӆтӑсы. Сыры иса хоттєӆ ёхӆаӆ вой сух эвӑӆт ёнтум ӆәмӑтсухн я̆ӊхсӑт. Елена Владимировна пунӑӊ ӆәмӑтсух сӑкн хурамтӆӑӆэ. Тӑм ванӆтупсыя ӆўв эвенк мир моӆьщӑӊӑт, вейт, милӑт, сӑк эвӑӆт тўрӆопсӑт па па мосты пурмӑсӑт тәсӆэ. Ӆўв лупӑс, эвенкӑт є̈мӑӊхӑтӆӑт пурайн рәт мир тӑйты хурамӑӊ ӆәмӑтсухн я̆ӊхӆӑт. Материал на сайте https://khanty-yasang.ru/khanty-yasang/no-12-3696/22772 #ХантыМансиМир #ХантыЯсанг #статьиОРНГ #ТекстНаХантыйском