✒ Ха̄льӯс ня̄врамыт ща̄нь ла̄тӈыл ханищтыянэ — 12 июля 2026 г. в 07:18:14.482
✒ Ха̄льӯс ня̄врамыт ща̄нь ла̄тӈыл ханищтыянэ Виктория Дмитриевна Юхлымова Ха̄льӯс школат ня̄врамытн рущ латыӈ ос литература ханищты. Ос урокыт юи-па̄лт а̄гирищит, пыгрищит ма̄ньщи ла̄тӈыл потыртаӈкве во̄выглыянэ. Ты ва̄рмаль урыл тав А̄с-угорский институтыт тӯяг о̄лум конференцият потыртас. То̄нт ня̄врамыт ща̄нь ла̄тӈыл ханищтан хо̄тпат рӯпатаныл урыл потыртаӈкве акван-атхатыгласыт. Виктория Дмитриевна ла̄выс: – Ха̄льӯс школан 200 арыгкем сосса ня̄врамыт ялантэ̄гыт, та̄н халанылт 143 – хантыт, 89 – ма̄ньщит ос 8 – ё̄рныт. Ам 8 «Г» классыт ханищтахтын а̄гит, пыгыт палт классный руководителиг о̄лэ̄гум. Ха̄льӯс школа ня̄врамыт урокыт юи-па̄лт ма̄ньщи ла̄тӈыл ханищтыянум. Та̄н ма̄гсыланыл «Хо̄талакве» нампа ханищтап ва̄рсум. Та̄н тув ялантаӈкве вос ка̄сащасыт, акваг са̄всыр щирыл пӯмщалыянум. Материал на сайте https://khanty-yasang.ru/luima-seripos/no-13-1367/22853 #ХантыМансиМир #ЛуимаСэрипос #статьиОРНГ #ТекстНаМансийском