1️⃣Теректиң будуктары, дазылы силерниң чериңерче үнүп турары болгаш силерниң девискээри...
1️⃣Теректиң будуктары, дазылы силерниң чериңерче үнүп турары болгаш силерниң девискээриңер кызыгаарын бадыткаар чуруктар, видео кылыр. 2️⃣Кожаңарче силерниң хуу эргеңер хажыдыышкынын чогуур хуусаада соксадырын дилээн бижимел-биле негелде (претензия) чоргузар. Шүүгү чарыгдалдарын болгаш каражазын тургузарын негээр эргеңерни база сагындырар. 3️⃣Бир эвес кожаңар харыылавас азы чөпшээрешпес болза, судче иск киирер. ❗️Бир эвес терек авария болур чыгыы байдалда азы улустуң кадык-хораанга, тудуг азы электрилиг дамчыдыышкыннарга когарал чедирер айыылы бар болза, тус чагыргаже, авария ажыл-албаны, электроэнергия черлеринче дамчыдып хомудал-бижик чортуп болур. ☝️Боттарыңар үзүп хиирээлеп болур байдал мында чаңгыс. Россия Федерациязының Хамааты Дүрүмүнүң 14 чүүлү-биле бот камгалал чурум үрээшкининге дүгжүр ужурлуг. Ол дээрге: терек кожаңарның эди болганда, аңаа болгаш ооң эргезинге хамаарыштыр кайы-хире когарал чедирип болуру силерниң эргеңер хажыттынып турары-биле дең болур ужурлуг. Юридиктиг сүме адвокат Алдынмай Саган-оол 89069990399 Юридиктиг канал «Хоойлу» билиглерин бедидеринче, бурунгаар көрүштү деткииринче болгаш төрээн дылывысты хумагалаарынче угланган. Бистиң үзел-бодалывыска катчып, каналывысче кирип, бижиттирип алырынче чаладывыс @khooilu #черхоойлу #земляхоойлу