🔥Башҡортостанда яғыулыҡ менән бәйле хәл тураһында: айырым контролдә тоторға — 13 июля 2026 г. в 10:01:53.203
🔥Башҡортостанда яғыулыҡ менән бәйле хәл тураһында: айырым контролдә тоторға ⛽Радий Хәбиров бензинға бәйле ҡыйынлыҡ халыҡта ризаһыҙлыҡ һәм аптырау тыуҙырыуын белдерҙе. Эре ҡалаларҙа һәм трассаларҙа хәл тотороҡланды, ләкин ҡайһы бер урындарҙа яғыулыҡ етешмәүе күҙәтелә. 🌾Башҡортостан Башлығы вице-премьер – ауыл хужалығы министры Илшат Фәзрахмановҡа республиканың агросәнәғәт комплексы предприятиеларын яғыулыҡ менән тәьмин итеү мәсьәләһе менән әүҙем шөғөлләнергә ҡушты, бигерәк тә ураҡ осоронда был мөһим. ☝️Шулай уҡ Радий Хәбиров вице-премьер – сәнәғәт, энергетика һәм инновациялар министры Александр Шельдяевҡа хәлде даими контролдә тоторға ҡушты. “Бының менән иртәнән кискә тиклем шөғөлләнергә кәрәк, хәҙер кешеләрҙе шул ғына борсой. Бер сәғәт заправкала тороу яҡшы түгел”, – тине оператив кәңәшмәлә республика етәксеһе. 🚓🚑🚒Ашығыс һәм коммуналь хеҙмәттәрҙе бензин менән тәьмин итеү, шулай уҡ халыҡтың социаль ихтыяждарын ҡәнәғәтләндереү – өҫтөнлөклө мәсьәлә. 📸 Һүрәттә: уҙған йома Малаяҙ ауылы осондағы АЗС-та ошондай сират ине.