"Ҡыҙыҡ"ҡа - 70 йәш
"Ҡыҙыҡ"ҡа - 70 йәш Вәлит Илембәтов Башҡортостан Республикаһының халыҡ артисы Йыр Гөлдәр бүләк итәм, ташлама! Вәлит Илембәтов һүҙҙәре Нәфисә Хәкимова көйө Көҙөн сәскә атҡан гөл шикелле, Һуңлап килде ысын һөйөү. Үткәндәрҙең үкенесен уйлап Йән эрнетә янып, көйөп. "Гөлдәр бүләк итәм, ташлама!", Китһәң әгәр табып аҫыл йәрҙәр, Һөйөүемә үпкә һаҡлама! Эй, мөхәббәт яҙгы ташҡын булып, Ник килмәнең элегерәк. Минең донъям һинең ҡосағың да Булыр ине гүзәллерәк. "Гөлдәр бүләк итәм, ташлама!", Китһәң әгәр табып аҫыл йәрҙәр, Һөйөүемә үпкә һаҡлама! Мөхәббәтем ярай килдең әле, Һуң булһа ла һине таптым. Йөрәк яныр өсөн яралған бит, Унда һүнмәс усаҡ яҡтың. "Гөлдәр бүләк итәм, ташлама!", Китһәң әгәр табып аҫыл йәрҙәр, Һөйөүемә үпкә һаҡлама! Юлай Кәримов фотоһы