«Майские среды»-күрэх
«Майские среды»-күрэх Ыам ыйын 5 күнүгэр Павловскай нэһилиэгин «Муравьиная поляна» сиригэр – уотугар улуустааҕы төрдүс төгүлүн ыытыллар Иван Семенович Филиппов сырдык аатынан «Майские среды» спортивнай ориентирование күрэҕэ үрдүк ситиһиилээхтик буолан ааста.Иван Семенович Филиппов Саха Өрөспүүбүлүкэтин үөрэҕириитин туйгуна, Саха Өрөспүүбүлүкэтин физичэскэй култууратын туйгуна, спортивнай ориентированиеҕа ССРС успуордун маастарга кандидата. Иван Семенович 2001 сыллаахха улууска саҕалаабыт «Майские среды» күрэҕэ быйыл 25 төгүлүн ыытылынна. Барыта 70 оҕо күрэхтэстэ. Ол курдук В.Н. Оконешников аатынан Павловскай орто оскуолатыгар, М.П. Габышев аатынан Балыктаах орто оскуолатыгар, Е.П. Шестаков- Эрчимэн аатынан Бырама сүрүн үөрэхтээһин оскуолатыгар.Дмитрий Таас аатынан Хорообут орто оскуолатыгар, А.А. Пахомов аатынан Тиэлиги орто оскуолатыгар, Р.А. Бурнашев аатынан Табаҕа орто оскуолатыгар «Кэрэли” оҕону эбии үөрэхтээһин киинин иһинэн, Ф.Г. Охлопков аатынан Майа орто оскуолатыгар туризм куруһуоктарыгарар дьарыктанар оҕолор ситиһиилээхтик күрэхтэстилэр. Күрэҕи иилээн-саҕалаан, сүрүн судьуйанан “Кэрэли” оҕону эбии үөрэхтээһин киин педагога, Оконешникова Наталья Николаевна, туристско-краевдческай хайысха куратора Филиппова Любовь ыыттылар. Спортивнай ориентированиенан дьарыктанар оҕолорбутугар өссө да үрдүк ситиһиилэри, салайааччыларга бэриниилээх уһуйуллааччылары баҕарабыт.