Коммунарские сборы «Ночь в Кэрэли»
Коммунарские сборы «Ночь в Кэрэли» «Кэрэли» оҕону эбии үөрэхтээһин кииҥҥэ муус устар 25 күнүгэр киэһээ 19:00 чаастан 26 чыыһыла 07:00 чааһыгар дылы Коммунарские сборы «Ночь в Кэрэли» диэн кииммит актыбыыстарын көҕүлээһиннэринэн буолан ааста. Бу тэрээһиҥҥэ «Кэрэли» кииҥҥэ араас кружоктарга сылдьар, 6 кылаастартан үөһээ оҕолор кыттыыны ыллылар. Уопсай оҕо ахсаана 30 буолбута. «Творец добра» уонна «Аврора» куруһуок оҕолоро бу түүн вожатый оруолун толорбуттара, тэрээһин үрдүк таһымҥа ааһарыгар төһүү күүс буолбуттара. Маҥнай оҕолору түмэн, инструктаж кэннэ тута этэрээттэргэ араартаан, хамандыыр, аат, девиз толкуйдуурга сорудах бэриллибитэ. Ол курдук 4 этэрээт үөскээбитэ: «Саха омук», «Первые», «Лучики», «Созвездие». Аҕыс станциянан вожатайдарбыт тураннар оҕолору оонньоппуттара, күрэхтэһиннэрбиттэрэ. Түмүгэр бу түһүмэххэ «Саха омук» бастакы миэстэ, «Первые» иккис, «Лучики» үһүс, «Созвездие» төрдүс буолбуттара. Оонньуу кэннэ оҕолор киэһээҥҥи астарын аһыы, бэйэ бэйэлэрин кытта өссө билсэллэригэр диэн этэрээтинэн олорон ирэ-хоро кэпсэтэннэр, хамаанда буолбуттара. Аһылык, кыра сынньалаҥ кэннэ проектнай үлэ чааһа саҕаламмыта. Сорудаҕа «Кэрэли 10-15 сылынан» диэн этэ. Манна оҕолор кииммит аны 10-15 сылынан хайдах буолуон баҕаралларын макет оҥорон көмүскээбиттэрэ. Салҕыы оҕолорбут уоттаах-күөстээх дискотекаҕа сылааларын таһааран, оҕолуу мэниктээн астыммыттара. Онтон кыратык чээйдээн баран «Диодорова» киинэтин көрөн, ырытыһан, салҕыы остуол оонньууларын оонньоон, «Абааһылаах кэпсээннэри» кэпсэтэн, күн көрсөн, түмүк таһааран, огонектаан, «Операция здесь нас не было» оҥорон, сарсыарда 07:00 чааска бары үөрэ-көтө тарҕаспыппыт. Бу маннык тэрээһини ыытар олус эппиэтинэстээҕин өйдөөн туран, дьарыктыыр оҕолорбутугар биир умнуллубат кэрэ кэми бэлэхтээри оҥордубут. Оҕолорбут, төрөппүттэрбит эмиэ тэҥҥэ астыммыттара буолуо диэн күүскэ эрэнэбит.