Муус устар 23 күнүгэр «Кэрэли» оҕону эбии үөрэхтээһин киинигэр «Олоҥхо мин тулабар» хом...
Муус устар 23 күнүгэр «Кэрэли» оҕону эбии үөрэхтээһин киинигэр «Олоҥхо мин тулабар» хомуурунньук сүрэхтэннэ. Үгүс үйэлэри уҥуордаан, улуу олоҥхобут сүтэн, симэлийэн хаалбакка билиҥҥи кэмҥэ тиийэн кэлбитэ кэрэхсэбиллээх. Олоҥхоҕо этиллэр норуот муудараһа, өйө – санаата, уус – уран тыла- өһө сүрдээх баай, дириҥ ис хоһоонноох, киһини үтүөҕэ- сырдыкка сирдиир аналлаах. Хомуурунньукка 2017-2025 сылларга ыытыллыбыт «Олоҥхо мин тулабар» улуустаа5ы өйтөн суруйуу күрэҕин кыайыылаахтарын үлэлэрэ киирдилэр. Презентация пресс-конференция форматынан ыытылынна. Ыҥырыылаах ыалдьыттар: - Саха Өрөспүүблүкэтин Ил Дарханын стипендиятын хаһаайына, «Төрүт дорҕоон» куруһуок салайааччыта Виталий Витальевич Никифоров; - Иван Гаврильевич Тимофеев аатынан Майатааҕы лицей, саха тылын уонна литературатын учуутала, 2006 сылтан «Олоҥхо мин тулабар» күрэх экспертэ Тамара Егоровна Слободчикова; - Владимир Петрович Ларионов аатынан Майа орто оскуолатын саха тылын литературатын учуутала, 2021 сылтан «Олоҥхо мин тулабар» күрэх экспертэ Ольга Петровна Старостина; - Гаврил Гаврильевич Колесов аатынан олоҥхо дьиэтин салайааччыта Айта Семеновна Васильева; - Мэҥэ- Хаҥалас улууһун үөрэҕирии салалтатын методическай отделын сүрүннүүр специалиһа Татьяна Михайловна Дмитриева; Пресс-конференция модераторынан үлэлээтэ «Олоҥхо мин тулабар» хомуурунньук автора, «Кэрэли» оҕону эбии үөрэхтээһин киинин методиһа Евдокия Самсоновна Баишева. Пресс-конференцияҕа 24 оҕо кыттыыны ыллылар. «Кэрэли» оҕону эбии үөрэхтээһин киинин медиа куруһуогун иитиллээччилэрэ Аллараа Бэстээхтэн, Ороссолуодаттан, Хараттан уонна Майаттан көхтөөхтүк кытыннылар.