Бэс ыйын 1 күнүгэр Дьокуускай куоракка "Туймаада" стадион киэҥ түһүлгэтигэр "Педагогика... — 4 июня 2026 г. в 00:15:45.181
Бэс ыйын 1 күнүгэр Дьокуускай куоракка "Туймаада" стадион киэҥ түһүлгэтигэр "Педагогика детства: сохранение культур и языков в образовании" тиэмэнэн бүтүн Арассыыйатааҕы научнай-практическай конференция буолла. Өрөспүүбүлүкэ бары оҕо тэрилтэлэрин педагогтара тоҕуоруһа мустаннар оскуола иннинээҕи саастаах оҕону иитиигэ, сайыннарыыга муспут араас бырыйыактарын, бэйэ айбыт оонньууларын кэпсээн-көрдөрөн көхтөөх кыттыыны ыллылар. Биһиги ≪Кэнчээри≫ уһуйааммыт педагогтара үлэлиир опыттарын, кэрэхсэбиллээх оонньууларын, ситиһиилээх бырайыактарын киэҥ эйгэҕэ көрдөрөн-кэпсээн кэллилэр: 1. "Чөмчүүк саас сэргэх күнэ" сахалыы саҥарар оҕо араадьыйа бырайыага. Медиа эйгэҕэ оҕо уонна улахан киҺи бииргэ алтыҺар, сыҺыаннаҺар дьайымалын араадьыйа үлэтигэр тэрийии (салайааччылар Капиталина Константиновна Семенова, Сардана Алексеевна Аввакумова). 2.≪КУБИК≫ телестудия - оҕону кыра сааһыттан телевидение эйгэтигэр уһуйар, тележурналист идэтигэр сыһыарар, ситимнээх саҥаны сайыннар бырайыак. (салайаачылар Сардана Алексеевна Аввакумова, Раиса Анатольевна Попова, Надежда Сергеевна Санникова). 3.≪Музыкалаах хартыына галереята» - "Кустук" региональнай программанан оҕолорго саха худуоһунньуктарын уонна композитордарын айымньыларын билиһиннэрэр бырайыак (салайааччылар Капиталина Константиновна Семенова, Мира Назаровна Вырдылина) 4.«Чэчик» хаамыылаах оонньуу - оҕо уруһуйга уонна муузукаҕа билиилэрин чиҥэтэр сыаллаах. (салайааччылар Капиталина Константиновна Семенова, Мира Назаровна Вырдылина) 5. ≪Ы.А.С.≫ ситимнээх саҥаны сайыннарыыга дидактическай авторскай оонньуу ойуу нөҥүө оҕо кэпсиир дьоҕурун сайыннарыыга ананар. (салайааччылар Сардана Серафимовна Алексеева, Лилия Аркадьевна Павлова) 6. «Оҕону сайыннарар оонньуурдар, оонньуулар» логопедическай дьарыкка туһаныллар авторскай ЛОГО-оонньуурдар (салайааччы Вера Афанасьевна Охлопкова) 7.«Оонньуулаах холбука» авторскай оонньуулар ("Төрүччү" , "Саха төрүт аһын билиһиннэрии", "Кэнчээри уол туһунан остуоруйа" , "Оонньуубут сайдабыт- нейроэрчиллиилэр", "Отонноох оҥоойук") - оҕоҕо норуот култууратын билиһиннэрии, ийэ тылынан саҥарарын көҕүлээһин, тыл саппааһын хаҥатыы, тулалыыр эйгэҕэ тапталы иҥэрии. (салайааччылар Алена Васильевна Гаврильева, Айталина Юрьевна Ильина). Бары кыттааччылар оҕоҕо оонньуу улахан суолталааҕын өссө төгүл дакаастаатылар, баай уопуттарын, бастыҥ үлэлэрин дьүүллүүр сүбэҕэ, ыалдьыттарга сырдаттылар, саҥа сүүрээннэри көрдөрөн тарҕаттылар.