Үөһээ Бүлүү улууһун үөрэҕин салалтата, педагогическай общественноһа улууспут бары олохт... — 12 июня 2026 г. в 03:21:20.223
Үөһээ Бүлүү улууһун үөрэҕин салалтата, педагогическай общественноһа улууспут бары олохтоохторун, күндү ыалдьыттарын, Россия күнүнэн, дойдуга саамай билиниллэр аныгы сайдыылаах Россия төрүттэммит күнүнэн эҕэрдэлиибин! Бэс ыйын 12 күнэ РФ государственнай бырааһынньыга. Бу күн 1990 сыллаахха РСФСР норуодунай депутаттарын 1 съеһэ государственнай суверенитет Декларациятын туһунан историческай докумуону ылыммыта. Бу докумуон ылыллан, билиҥҥи кэмҥэ биһиги Федерациябыт Аан дойду биир тутаах дойдута буоларыгар тирэх буолбута. Бу күн 2002 сылтан "Арассыыйа күнэ" диэн ааттаммыта. Саха Өрөспүүбүлүкэтэ Россия улахан регионнарыттан биирдэстэрэ буолар. Быйыл биһиги холбоһуктаах историябыт 394 сылын бэлиэтиибит уонна түөрт үйэ кэриҥэ улуу нуучча норуотун кытта бииргэ Россия сайдыытыгар дьоһун кылааппытын киллэрсэбит. Саха өрөспүүбүлүкэтин Ил Дархана А.С. Николаев салайааччылаах Саха Сирэ дойду экономикатын сайыннарыыга Уһук Илиҥҥэ эрэ буолбакка, бүтүн Россия үрдүнэн бастыҥнар кэккэлэригэр киирэр. Биһиги дойдубутугар 190-тан тахса норуот олорор, кинилэр бэйэлэрин тылларынан холкутук саҥаралларыгар, төрүт культураларын сайыннаралларыгар быраап биэрбит сүдү докумуон Декларация буолар. Бүгүҥҥү Сахабыт сирин чэчирии сайдыыта - хас биирдиибит туруктаах олоҕун мэктиэтэ, ыччат дьоммут уһун үйэлэргэ дьоллоох – саргылаах олоҕо, өбүгэ дьоммут ыра санаатын туолуута. Убаастабыллаах улууспут ытык-мааны олохтоохторо, ыалдьыттара, бу дьоро күҥҥэ Эһиэхэ баҕарабыт үтүө туругу, дьиэ кэргэттэргитигэр уйгулаах олоҕу, быйылгы үтүө сайын Эһиэхэ уйгуну - быйаҥы бэлэхтээтин! Үөһээ Бүлүү улууһун үөрэҕин салалтатын начальнига, Ю.В. Кынатов