Канал МБОУ "Ботулинская СОШ им. Золотарева Н.А."
Образование · 17 октября 2026 г.
Бүгүн, алтынньы 16 күнүгэр, Саха Өрөспүүбүлүкэтин Ийэлэрин күнүн көрсө, Үөһээ Бүлүүтээҕ...
Бүгүн, алтынньы 16 күнүгэр, Саха Өрөспүүбүлүкэтин Ийэлэрин күнүн көрсө, Үөһээ Бүлүүтээҕи Олоҥхо дьиэтигэр улууспут талба талааннаах ыччатын кыттыылаах, күн күбэй Ийэлэри чиэстиир дьоро тэрээһин ыытылынна. Бу күн, Сахабыт сиригэр 33 сыл ынараа өттүгэр Саха Өрөспүүбүлүкэтин маҥнайгы Бэрэсэдьиэнэ М.Е. Николаев Уурааҕынан алтынньы ый 3-с өрөбүлүгэр "Ийэ күнэ" бэлиэтэнэр буолбута. «Ийэ сырдык мичээринэн» диэн ааттаах дьоро тэрээһиҥҥэ Үөһээ Бүлүү улууһун Күн күбэй ийэлэрин, Эйэҕэс эбээлэрин эҕэрдэлээн туран, 2026 сыл сэтинньи 16 күнүнээҕи 514 № - дээх Уураахпынан Үөһээ Бүлүүбүт бастыҥ, мааны ыалларыгар анал Бэлиэлэри туттартаатым. Ол курдук улууспутугар дьиэ кэргэн, демография бэлиитикэтин бөҕөргөтүүгэ, элбэх оҕолонууну көҕүлээһиӈӈэ кылааттарын киллэрэр дьиэ кэргэттэри бүгүн үс араас хайысханан наҕараадалаатыбыт: 1) Дьиэ кэргэн, демография бэлиитикэтин, элбэх оҕолонууну өйүүргэ аналлаах «Ийэҕэ Махтал» анал бэлиэлэри уонна Уон тыһыынча солкуобайдаах харчы сертификатын туттартаатым: • Тамалакаан нэһилиэгиттэн Анна Агитовна Павловаҕа; • Кэнтик нэһилиэгиттэн Федора Георгиевна Терентьеваҕа; • Балаҕаннаах нэһилиэгиттэн Туяра Андреевна Егороваҕа; • Үөдүгэй нэһилиэгиттэн Светлана Сергеевна Ивановаҕа. 2) Көрүүтэ истиитэ суох хаалбыт, тулаайах оҕолору иитэр дьиэ кэргэни өйүүргэ туһуламмыт «Тапталы бэлэхтиир амарах санаалаах дьиэ кэргэн» («Дарующая любовь») анал түөскэ кэтиллэр бэлиэ уонна Биэс уон тыһыынча солкуобайдаах харчы сертификата туттарылынна: • Дүллүкү нэһилиэгиттэн Валерий Гаврильевич, Оксана Николаевна Чоросовтарга; • Үөдүгэй нэһилиэгиттэн Петр Николаевич, Надежда Васильевна Бубякиннарга. 3) Элбэх оҕолоох дьиэ кэргэни өйүүргэ туһуламмыт “Ил-сомоҕо дьиэ кэргэн бэлиэтэ” («Символ семейного единства и гармонии») анал түөскэ кэтиллэр бэлиэнэн уонна биэс уон тыһыынча солкуобайдаах харчы сертификата туттарылынна: • Боотулуу нэһилиэгиттэн Николай Николаевич, Ефросинья Александровна Степановтарга; • Үөдүгэй нэһилиэгиттэн Анастасия Александровна, Федор Данилович Даниловтарга. Күндү Ийэлэр! Эһиги – биһиги улууспут киэн туттуута, тирэҕэ, кэскилбит кэрэһитэ буолаҕыт. Эһиги сыралаах үлэҕит, оҕолоргутугар биэрэр тапталгыт, дьиэ кэргэн сыаннастарын бөҕөргөтөр дьулуургут – улууспут сайдыытыгар сүдү кылааты киллэрэр. Эһиэхэ бука барыгытыгар сир үрдүгэр баар бары үчүгэйи, сырдыгы, кэрэни баҕарабын. Холумтаҥҥыт куруук сылаас буоллун, сүрэххит үөрүүннэн сыдьаайдын, өрүү чэгиэн, дьоллоох буолуҥ! Ийэ таптала, дьиэ кэргэн дьоло хас биирдиигит олоҕун сырдаттын! #ИйэКүнэ #ИйэСырдыкМичээринэн #ҮөһээБүлүү max.ru/channel_VNikolaev