Канал МБОУ "Харанская спортивная СОШ им. И.Г.Игнатьева"
Лайфстайл · 17 мая 2026 г.
🎼Хара оскуолатыгар «Кыайыы кынаттаах ырыалар» хуордар куонкурустара — 17 мая 2026 г. в 03:55:07.718
🎼Хара оскуолатыгар «Кыайыы кынаттаах ырыалар» хуордар куонкурустара 🎤 Иккис төгүлүн И.Г.Игнатьев аатынан Хара спортивнай орто оскуолатыгар 1-8 кылаастар икки ардыларыгар «Кыайыы кынаттаах ырыалар» хуор куонкуруһа ыытылынна. 🎫 Аҕа дойду Улуу сэриитигэр кыттыбыт буойуннарбыт биһиги күөх халлаан анныгар олорорбут туһугар олохторун ууран биэрбиттэрэ. Сэрии ыар, хара кэмигэр ырыа кырдьык даҕаны дьон сүргэтин көтөҕөр, күүс-уох биэрэр, эрэл саҕар улуу күүһэ этэ. Күрэс саҕаланыан иннинэ үөрэнээччилэр Хара муусука учууталынан үлэлээбит Прасковья Пинигина дьүрүлүгэр Хара оскуолатын гиимнин уонна “Матушка – Земля” ырыаны толордулар. 🎵 Бүгүҥҥү күрэс икки түһүмэҕинэн ыытылынна: ол курдук маҥнайгы түһүмэх дойдуга бэриниилээх буолуу туһунан ырыалар: “Пусть всегда будет солнце”, “Солдатики”, “Идет солдат по городу”, “Белые птицы”, «Отмените войну”, “Закаты алые”, “О той весне”, “Я внук того солдата”, иккис ырыалара сахалыы бэйэлэрэ талан ылбыт ырыалара — “Күн бытархайа”, “Дьөһөгөйүм оҕото”, “Ийэ сирим ырыалара”, “Дорообо сырдык күн”, “Туундара”, “Доҕордоһуу ырыата”, “Айхаллаан мин Харам”, “Герой Попов туһунан ырыа” толорон киэҥ биһирэбили ыллылар. Бары уостан түспэт ырыалары ыллаан-туойан, дьоро киэһэни киэргэттилэр. @gazetaerkeii @ulusmedia