Канал МБОУ "Харанская спортивная СОШ им. И.Г.Игнатьева"
Школы и вузы · 6 ноября 2026 г.
ҮТҮӨ ҮГЭСПИТ САЛҔАНАР!
ҮТҮӨ ҮГЭСПИТ САЛҔАНАР! Бүгүн, сэтинньи 6 күнүгэр Нуораҕана сиригэр, Арыылаах Эбэҕэ, улууспут 12 оскуолатыттан 140 оҕо муҥхаҕа кыттыыны ылла. "Мэҥэ Хаҥалас улууһа" муниципальнай оройуон баһылыгын нэһилиэнньэ олоҕун-дьаһаҕын хааччыйыыга солбуйааччыта Николай Никифоров бүгүҥҥү муҥхаҕа оҕолордуун сылдьыста: "Оҕолор төрүт дьарыкпытын кытта билистилэр, муҥха оҥоһуутун, балыктыыр ньымалары үөрэттилэр уонна бэйэлэрэ кыттан сүгэн-көтөҕөн бары биир киһи курдук тэҥҥэ үлэлэстилэр. Муҥха үөрүүтүн, Байанай бэлэҕин бэйэ илиитинэн тутан көрөн, өбүгэ үгэһин ис хоһоонун өйдөөтүлэр. Бу тэрээһин оҕолорго үлэҕэ тапталы, бэйэ-бэйэҕэ көмөлөһүүнү уонна төрүт култуурабытыгар ытыктабылы иҥэрдэ". Күөх Боллох мичик гынна! Муҥха үчүгэй түмүктээх буолла — оҕолор үөрүү-көтүү аргыстаах, сүргэлэрэ көтөҕүллэн 10 оҕо иккилии куул илии тутуурдаах тарҕастылар. Муҥханы тэрийбит улуус дьаһалтатыгар, үөрэх салалтатыгар, тэрилтэлэргэ, кыттыбыт оҕолорго уонна учууталларга барҕа махталбытын тиэрдэбит. Төрүт дьарыкпыт — салҕанар! #муҥха #төрүтдьарык #Нуораҕана #АрыылаахЭбэ #оскуола #үөрэнээччи
Канал в каталоге Максиметера
248 подписчиков · Школы и вузы