КМ

Канал МБОУ "Харанская спортивная СОШ им. И.Г.Игнатьева"

Школы и вузы · 6 ноября 2026 г.

Открыть канал в MAX

Улуустааҕы интеллектуальнай оонньуу!🔥

Улуустааҕы интеллектуальнай оонньуу!🔥 Сэтинньи 6 күнүгэр Майа Ф.Г.Охлопков орто оскуолатыгар Суут үлэһиттэрин күнүгэр ананан уонна Народнай судьуйа, РСФСР Үтүөлээх юриһа, Аҕа дойду Улуу сэриитин бэтэрээнэ Михаил Михайлович Сотников дьоһун аатын үйэтитэр сыаллаах улахан кылаас үөрэнээччилэрин ортотугар улуустааҕы интеллектуальнай оонньуу Мэҥэ Хаҥалас оройуоннааҕы суутун кэлэктиибин көҕүлээһининэн ыытылынна. Тэрээһин үөрүүлээх аһыллыытыгар суут бэрэссэдээтэлэ Афанасий Васильевич Соловьев кыттыылаахтары эҕэрдэлээтэ. Интеллектуальнай оонньууга 8 оскуолаттан 10-11 кылаас үөрэнээччилэриттэн түмсүбүт 6 оонньооччулаах 12 хамаанда кыттыыны ылла. Оонньууну общественник Феликс Титов, боппуруостары бэлэмнээн, иилээн-саҕалаан ыытта. Кыттааччылар обществознаниеҕа, праваҕа уонна устуоруйаҕа сыһыаннаах боппуруостарга хамаанданан эппиэттээтилэр. Хамаандалар бары эппиэттэрин толору оҥорбуттара, оонньуу ситиһиилээхтик барда. Уопсай түмүккэ: 1 миэстэ – “Вердикт” И.Г. Тимофеев аатынан Майа лиссиэйин хамаандата; 2 миэстэ – “Дьаҥхаада” И.М. Романов аатынан Төхтүр орто оскуолатын хамаандата; 3 миэстэ – “Харалар” И.Г. Игнатьев аатынан Хара орто сокуолатын хамаандата буолары ситистилэр. Кыайыылаахтар Мэҥэ Хаҥалас суутун анал грамоталарынан уонна сыаналаах кэмбиэрдэринэн наҕараадаланнылыр. Бастаабыт хамаандаҕа кубок туттарылынна.