⛱⛱⛱ "Отуу уота" диэн бөһүөлэккэ бастакы сынньалаҥ дьиэ бүгүн Эрчинэй киэҥ нэлэмэн хонуу... — 14 июня 2026 г. в 10:18:00.386
⛱⛱⛱ "Отуу уота" диэн бөһүөлэккэ бастакы сынньалаҥ дьиэ бүгүн Эрчинэй киэҥ нэлэмэн хонуутугар Кириэстээххэ аһылынна. Алгыс түһэриитин сиэрэ - туома алгысчыт Карл Григорьевтыын ыытылынна. Кыттыыны ыллылар, эҕэрдэ истиҥ тылларын, бэлэхтэри туттардылар улуус дьаһалтатыттан Ия Ефимова, баһылык солбуйааччыта Алексей Корякин, оскуола дириэктэрэ Евгений Тараяров, култуура киинин дириэктэрэ Альбина Платонова, "Кустук" , "Далбара", "Тымтык" түмсүүлэр, биирдиилээн ыалдьыттар. Араас оонньуулары тэрийээччилэр иилээн - саҕалаан ыыттылар. Мас тардыһыыта олус киирсиилээхтик барда. Кыайыылаахтар Ксенофонтовтар дьиэ кэргэн туруорбут сыаналаах бириистэрин сүүйэн үөрүүлэрэ үксээтэ. Күһүҥҥү куулунан хаппыыста, босхо сынньанар күннэр, илим, күлүүс набора, шуруповерт о.д.а. араас бириистэр ыалдьыттарга анаммыттар. Маанылаах күнү сиэдэрэй фуршет - остуол, кутааҕа астаммыт ис миинэ, күөс киэргэттэ. Айылҕа анаабыт курдук куйаас күнүгэр бэртээхэй тэрээһиҥҥэ сылдьан кэлбит дьон астынан тарҕаста. Хаартыскалар, иһитиннэрии : Августина Платонова ⬇⬇⬇ https://max.ru/id1424006600_gos2