Бүгүн Арассыыйа күнүн бэлиэтиир үөрүүлээх тэрээһин култуура киинигэр ыытылынна. Киирии ... — 12 июня 2026 г. в 07:22:43.025
Бүгүн Арассыыйа күнүн бэлиэтиир үөрүүлээх тэрээһин култуура киинигэр ыытылынна. Киирии эҕэрдэ тыллары, иһитиннэриини, хомоҕой хоһооннору тэрийээччи - култуура киинин кэлэктиибэ туруорда. Баһылык Александр Григорьев бырааһынньыгынан эҕэрдэлээн туран буойун уолаттар хорсун быһыыларыгар сүгүрүйэн, анал байыаннай дьайыы толоонугар дьоруойдуу охтубут байыастар төрөппүттэригэр "Эр санааланыы" уордьан наҕараадатын Любовь Поповаҕа туттарда. Саҥа тахсыбыт "Хорсун быһыыгыт холобур буолуоҕа" буойун саллааттарга аналлаах олус долгутуулаах саҥа кинигэни, кинигэ тахсарыгар улахан сыратын ууран көмөлөспүт Августина Платонова кинигэҕэ киирбит дьоруойдар төрөппүттэригэр туттарда, сорохтор бу кинигэни эрдэ туппуттара. Салҕыы бырааһынньыктааҕы эҕэрдэ, ырыа - үҥкүү, флешмоб биир тыынынан барда. Көрөөччүлэр "Арассыыйаны төһө билэҕин? " медиа - биктэриинэҕэ көхтөөхтүк кытыннылар. Модун Арассыыйа күүһүн, култууратын, традициятын, кухнятын арыйар быыстапкалар турдулар. Сэргэх тэрээһин кэлбит дьоҥҥо, оҕоҕо, ыччакка эмиэ биир умнуллубат үтүө түгэни уунна.