Күндү биир дойдулаахтарым, Кириэстээҕим олохтоохторо! Бүгүн, о.э. алтынньы ый 12 күнүгэ...
Күндү биир дойдулаахтарым, Кириэстээҕим олохтоохторо! Бүгүн, о.э. алтынньы ый 12 күнүгэр 2026 сыл, эһиги байыастарга ыытарга анаан нэһилиэк дьонун көмөтүнэн хомуллубут гуманитарнай көмөҕүтүн тутан маннык үтүө санаалаах, бу ыарахан балаһыанньаҕа эрэллээх, эппиэтинэстээх дьонноох-сэргэлээх нэһилиэкпинэн - Кириэстээхпинэн- киэн тутта санаатым. Эһиги көмөҕүт хайаан да тустаах аадырыстарыгар тиийиэхтэрэ. Эһиги байыастарга эрэ буолбакка, кинилэргэ көмөлөһө сылдьар, кинилэр кыһалҕаларын өйдөөн күүс-көмө буолан сүүрэр-көтөр, баһыылкалары бэрийэн-тэрийэн ыытар волонтердарга чэйдииллэригэр диэн Кириэстээх килиэбин, барыанньатын, олохтоох натуральнай сүөгэйин ыыппыккытыгар оҕолуу үөрдүбүт, истиҥник санаатыбыт. Чэйдии олорон сүөгэйдээх барыанньалаах бэйэ оҥоһук килиэбэ хайдахтаах курдук минньигэһин астына кэпсэттибит, "Мы Вместе -Мирный" волонтердара сөхтүлэр -махтайдылар, күүстэригэр күүс эбилиннэ. Кириэстээхтээҕи "Харыстас" волонтерскай хамсааһын эмп-том, биинтэ ыыппыттара туспа хайҕаллаах дьыала, бары биир үтүө дьыаланы, Кыайыы иһин туруулаһабыт, уолаттарбыт этэҥҥэ эргиллэн кэлэллэрин күүтэбит. Дойдум дьоно, ыксал быһыыга -майгыга күүс -көмө, өйөбүл буоларга эһиги өрүүтүн бэлэмҥит, махтал тылын тиэрдэбин эһиэхэ, ыйыта -көрдүү барбакка "биһиги бу баарбыт" диэбиккэ, инникитин куруутун да маннык биир сомоҕо буолуохха! Чуолаан гуманитарнай көмөнү иилээн -салайан хомуйбут, ааһар таксины кэпсэтэн ыыппыт киһиэхэ, Августина Денисовна Платоноваҕа махталбыт муҥура суох. Кыайыы биһиэнэ буолуо 🫂🙏✊🏻 Махталы кытта биир дойдулааххыт, АБДь хонуутугар геройдуу олоҕун толук уурбут байыас ийэтэ, Мииринэйдээҕи "МыВместе-Мирный" волонтерскай штаб волонтера Саргылана Николаева