Өрөспүүбүлүкэтээҕи «Тоҕус оһуордаах түһүлгэ» «ТЫЛ СҮМЭТЭ» уус-уран ааҕыы күрэһэ — 21 июня 2026 г. в 05:06:22.576
Өрөспүүбүлүкэтээҕи «Тоҕус оһуордаах түһүлгэ» «ТЫЛ СҮМЭТЭ» уус-уран ааҕыы күрэһэ РСФСР култууратын үтүөлээх үлэһитэ, Саха АССР искусстволарын үтүөлээх диэйэтэлэ, Үлэ Кыһыл знамя уордьанын икки төгүллээх кавалера, Сунтаар улууһун Бочуоттаах олохтооҕо, норуот ырыаһыта С.А.Зверев-Кыыл Уола аатын үйэтитэр өрөспүүбүлүкэтээҕи норуот уус-уран айымньытын 9 көрүҥүнэн күрэһэ «ТОҔУС ОҺУОРДААХ ТҮҺҮЛГЭ» 2019 сыллаахтан ыытыллар. Быйыл устар ууну сомоҕолуур, уран тылы иччилиир «ТЫЛ СҮМЭТЭ» уус-уран ааҕыы күрэһэ бэс ыйын 20 күнүгэр Арассыыйаҕа Норуоттар сомоҕолоһууларын, Саха Өрөспүүбүлүкэтигэр Култуура, Сунтаар улууһа сурукка-бичиккэ киирбитэ 225, Номох уонна сайдыы сылларыгар аналлаах «Олоҥхо дойдутун ытык күнэ – Сунтаар уйгулаах ыһыаҕа» өрөспүүбүлүкэтээҕи үрүҥ тунах ыһыах чэрчитинэн үрдүк таһымҥа буолан ааста. Күрэс сыала-соруга: саха уус-уран тыла-өһө сайдарыгар олук ууруу, айымньыны уус-ураннык ааҕан толоруу, айар дьоҕурдаах дьону болҕомтоҕо ылан өйөөһүн, көрүҥ быһыытынан сөргүтэн киэҥ эйгэҕэ таһаарыы, сайдар суолун тобулуу, эдэр ыччакка тириэрдии, үйэтитии. Тэрээһин сүрүн спонсора «Арктик Капитал» тэрилтэ, салайааччы биир дойдулаахпыт Матвей Евсеев уонна Сунтаар улууһун дьаһалтата. Күрэскэ анаан-минээн Сунтаар улууһун Сиэйэ, Кутана, Бордоҥ, УҺун Күөл, Кэппэндээйи, Хоро, Кириэстээх, Тойбохой, Элгээйи, Күндэйэ, Сунтаар, Күүкэй, Аллыҥа нэһилиэктэриттэн, Дьокуускай куораттан 77 кыттааччы, ол иһигэр 43 оҕо, 34 улахан дьон кытыннылар. Улахан дьоҥҥо 3, оҕолорго 5 бөлөҕу, уопсайа 40 нүөмэри дьүүллүүр сүбэ сыаналаата. Саамай кыра кыттааччы 8 саастаах Дьокуускай куораттан Крылова Лилиана, саамай аҕам кыттааччы 82 саастаах Тойбохойтон Тихонова Клара Степановна буоллулар. Сунтаартан саамай элбэх 16 кыттааччылаах "Тыл умсулҕана" оҕо бөлөҕө, салайааччы Герасимова Тамара Ильинична буоллулар. Дьүүллүүр сүбэҕэ үлэлээтилэр: Оҕолор бөлөхтөрүгэр — Кондратьева Мария Васильевна, бэрэссэдээтэл, РФ үөрэҕириитин Бочуоттаах үлэһитэ, СӨ үөрэҕириитин туйгуна, “Учууталлар учууталлара”, “Идэҕэ бэриниилээх буолуу” бэлиэлэр туһааннааҕа, Сунтаардааҕы политехническай лицей-интернат саха тылын уонна литэрэтиирэтин учуутала —Павлова Раиса Ивановна, СӨ култууратын туйгуна, “Гражданскай килбиэн” бэлиэ туһааннааҕа, Л.А.Попов аатынан Сунтаардааҕы киин бибилэтиэкэ ааҕааччыны кытта үлэлиир салаа бибилэтиэкэрэ —Спирова Марфа Егоровна, СӨ култууратын туйгуна, Сунтаардааҕы оҕо бибилэтиэкэтин кыл.бибилэтиэкэрэ. Улахан дьоҥҥо— Афанасий Гаврильевич Гуринов -Арчылан, бэрэссэдээтэл, прозаик, публицист, тылбаасчыт, Арассыыйа суруналыыыстарын, СӨ суруйааччыларын сойуустарын чилиэнэ, СӨ норуодунай бэйиэтэ Иван Гоголев-Кындыл аатынан бириэмийэ лауреата, “Күрүлгэн” уус-уран сурунаал сүрүн эрэдээктэрэ— Валентина Григорьевна Дьячковская-Хара Көмүс, прозаик, публицист, тылбаасчыт, РФ Норуоттар икки ардыларынааҕы суруйааччылар сойуустарын холбоһугун, СӨ Суруйааччыларын сойууһун чилиэнэ, СӨ уус-уран оҥоһуктарын маастара, Кутана нэһилиэгин Бочуоттаах олохтооҕо улуустааҕы “Ньургуһун” литературнай түмсүү чилиэнэ — Кондратьева Мария Васильевна, РФ үөрэҕириитин Бочуоттаах үлэһитэ, СӨ үөрэҕириитин туйгуна, Учууталлар учууталлара, “Идэҕэ бэриниилээх буолуу” бэлиэлэр туһаанааҕа, Сунтаардааҕы политехническай лицей-интернат саха тылын уонна литэрэтиирэтин учуутала. Икки күннээх күрэс түмүгүнэн түһүлгэ кыайыылаахтарынан ааттаннылар: Улахан дьоҥҥо (биирдиилээн толоруу): 1 үрдэл - Усова Наталья Валериановна, Кириэстээх 2 үрдэл - Контогорова Сардана Николаевна, Сунтаар 3 үрдэл - Семенова Татьяна Афанасьевна, Элгээйи Улахан дьоҥҥо (бөлөҕүнэн толоруу): 1 үрдэл - «Дьуьуйуу» бэлэх, Элгээйи 2 үрдэл - «Далбар» бэлэх, УЬун-Куэл Анал аат “Иччилээх ааҕыы”- Алексеева Туяра Аркадьевна, Сунтаар