🔻ТУКЫМ КЫЛ – МАРИЙ ФАМИЛИЙ — 13 июня 2026 г. в 06:32:00.618
🔻ТУКЫМ КЫЛ – МАРИЙ ФАМИЛИЙ Ибатий коча деч «пӧлек» Озаҥ олаште илыше Татьяна Ибатиева шке фамилийже нерген каласкала: – Шкемын ӱдыр фамилием – Петрова. Ибатиев – пелашемын фамилийже. Марлан толмекем, тудын кушеч лекмыжым шымленам. Тыгай сынан фамилий тюрк йылмыште вашлиялтеш, Хибат араб, тыгак татар лӱм гыч лектын. Тудо «пӧлек» але «Юмын пуымо моштымаш» манмым ончыкта. Пелашемын кугезе кочаже шкежат Ибатий лӱман лийын. Тышечак тукым фамилий шуйнен. Тыгеже тиде фамилий дене икгайрак йоҥгышо Ибатов, Ибатуллин фамилий-влак вашлиялтыт. Соцкылыште Ибатиев фамилий дене кычал ончымем дене тыгай фамилиян еҥ-влак лачак пелашемын тукымвожшын гына, сандене шкежат фамилиемым шкешотанлан шотлем. Палем, тӱняште чылт мыйын гаяк фамилиян, лӱман, ачалӱман еҥ тетла уке. Тиде чоныштем кугешныме кумылым шочыкта.