Росреестр — 18 июня 2026 г. в 12:34:18
Росреестр Пӧрт яра шинча гын… Ялыште кок пачеран пӧртыштӧ илена. Ала-кунам тудым ялсовет пуэн, вара приватизироватленна. Пошкудо-влак шукертак вес вере илаш каеныт, шке пачерыштым ны ужален, ны вес еҥлан пуэн огытыл. Ты пачерым иктат огеш эскере. Кудывечыште, оралте йыр шудым шке солена, леведыш гыч лумым кышкена, печым олмыктена. Ты пачерым шке ӱмбакына налын кертына мо? Тидлан мом ыштыман? ЗОЯ. Шернур район. Росреестрын Марий Элысе управленийже умылтара: – Пого, тудын озаже уло гын, вес еҥлан ужалыменалме, пӧлеклыме да вес тӱрлӧ договор почеш куснен кертеш. Погын озаже пале огыл гын, верысе самоуправлений орган ондак учётыш налме погын озажым пален налшаш. Тыгай еҥым огеш му гын, правам регистрироватлыме органыш тыгай погым озадыме семын учётыш шогалташ йодмашым колтышаш. Садлан ты йодышым эн ондак ты пачерын озаж дене рашемдыман, а озаже уке гын, верысе самоуправлений органыш каяш темлена.