🕯Ойганен шарныме кечын Йошкар-Олаште тӱжем утла сорта чӱкталтеш — 18 июня 2026 г. в 12:31:51.053
🕯Ойганен шарныме кечын Йошкар-Олаште тӱжем утла сорта чӱкталтеш 2026 ий 22 июньышто XX курымын эн вӱрым йоктарыше да шучко сар тӱҥалмылан 85 ий темеш. Российыште илыше-влак чыланат сӧй пасу гыч пӧртылдымӧ да сеҥыше-шамычын подвигышт нерген шарнымашым переген аралат. 🔻 Йошкар-Олаште тиде кечын тӱрлӧ мероприятийым эртараш палемдыме: 21 июнь: ● 18 шагатлан Тихвинысе Юмынаван юмоҥажын храмыштыже оласе шарнымаш сортам чӱктат да освещатлат. ● 19:30 Воин чап монумент воктене «Шарнымаш сорта» акций тӱҥалеш, тудын кышкарыштыже участник-влак колышо герой-шамычым шарныме лӱмеш тӱжем утла сортам чӱктат. 22 июнь: ● 4 шагат эрдене Курымашлык тул воктене общегородской митинг-реквием эрта, тушто ик минут шып шогымо дене шарнат да пеледышым пыштат. ● 10 шагатлан – тылыште тыршыше-влаклан чапкӱ воктене шарнымаш митинг. ● 11 шагатлан – Марково шӱгарлаште шарнымаш митинг. ● 12 шагатлан – Сарзе чап монумент воктене шарнымаш митинг. ● 12:15 – общероссийский ик минут шып шогымаш.