Эн сай ветеринарный фельдшер Волжский кундемыште ила — 18 июня 2026 г. в 12:28:36.680
Эн сай ветеринарный фельдшер Волжский кундемыште ила Кундемыштына «Профессийыште эн сай» Всероссийский конкурсын «Ветеринарный фельдшер» номинацийыштыже регионысо этапшым иктешлыме. Конкурс «Кадры» нацпроект кышкарыште «Человек труда» проектше почеш эртаралтеш. Кок кечыште 10 специалист эн сай ветеринарный фельдшер лӱмым налаш тыршен: конкурсын теорий ужашыштыже шинчымашым ончыктен, вара практикыште моштымашыжым пеҥгыдемден. Икымше верым Волжский округ Пӧтъял гыч Лидия Никифорова налын (150 тӱжем теҥгем сеҥышылан пуат). 2-шо Сергей Крылов лийын (100 тӱжем теҥге), а 3-шо верым Татьяна Токтарова сулен (50 тӱжем теҥге). Лидия Никифорова Марий Элын чапшым ынде федеральный этапыште аралаш ямдылалтеш. Тудо 21-22 июльышто Мордовий Республикыште лиеш. Тӱҥ приз – 1 миллион теҥгеаш окса премий. 📸 Марий Элысе паша да социальный аралтыш министерствын ВК-се тӱшкаж гыч налме.