🌺20 июньышто Пермь край Суксун ола округысо Кызганде ялыште Пеледыш пайрем лийын. — 24 июня 2026 г. в 09:21:00.270
🌺20 июньышто Пермь край Суксун ола округысо Кызганде ялыште Пеледыш пайрем лийын. Тудо Пермь кундемысе «59 фестивалей в 59 регионах» краевой проект почеш эртаралтын. Ты кечын поснак весела лийын, калык шуко погынен. Пайрем уна-влакым торжественно вашлийыныт, этномодо ончыкталтын, усталык коллектив-влак мастарлыкышт дене куандареныт. Фотовыставке, мастер-класс-влак, пеледыш аршаш конкурс, спорт-таҥасымаш-влак лийыныт. Йӱла почеш пайремыш толшо уна-влакым кугурак онаеҥ Владимир Дмитриевич Мишин саламлен. Пайрем мучко марий, татар, руш сем-влак йоҥгеныт, келшымаш шӱлыш да калык-влакын икоян улмышт шижалтын. 📸«Марийцы Перми и Пермского края» ВК-се тӱшка гыч.
66 просмотров